1 Mga Hade 9:3 - Marahay na Bareta Biblia

³ Nagtaram saiya an Kagurangnan, “Nadangog ko an saimong pamibi asin pakimaherak na ginibo mo sa sakong atubang. Kinokonsagra ko an Templong ini na itinugdok mo, bilang lugar na pagsasambahan sako sagkod lamang; babantayan asin aatamanon ko an Templo sa gabos na panahon.

1 Mga Hade 9:3 ပူးပေါင်းရင်းမြစ်များ

1 Mga Hade 8:29

Bantayan mo logod an Templong ini aldaw-banggi, an lugar na ini na saimong pinili na pagsasambahan saimo. Hinanyoga ako kun mag-atubang ako sa Templong ini asin mamibi.

2 Mga Hade 20:5

“Magbalik ka ki Ezekias, na kagsakop kan sakong banwaan asin sabihan mo siya, ‘Ako, an Kagurangnan, an Dios kan saimong ginikanan na si David. Nadangog ko an saimong pamibi asin nahiling an saimong mga luha. Bobolongon taka, dangan sa ikatolong aldaw maduman ka sa Templo.

2 Mga Hade 21:7

An imahen kan diosang si Asera na saiyang ginibo, ibinugtak niya sa laog kan Templo, sa lugar na iyo an sinabi nin Kagurangnan kan siya magtaram ki David asin ki Solomon na aki kaini: “Digdi sa Templong ini, asin sa Jerusalem, na pinili ko hale sa gabos na tribu nin Israel, ibubugtak ko an sakong ngaran sagkod pa man.

2 Mga Cronica 33:7

An imahen kan dios-dios na saiyang ginibo, ibinugtak ninda sa laog kan Templo, sa lugar na iyo an sinabi nin Dios kan siya magtaram ki David asin ki Solomon na aki kaini: “Digdi sa Templong ini, asin sa Jerusalem na pinili ko hale sa gabos na tribu nin Israel, ibubugtak ko an sakong ngaran sagkod pa man.

2 Mga Cronica 6:40

“Ngunyan, O sakuyang Dios, hilinga kami asin hinanyoga an pamibi na idinolot sa lugar na ini:

Esdras 6:12

An Dios na nagpili sa Jerusalem bilang lugar na pagsasambahan saiya iyo logod an magbagsak sa siisay man na hade o nasyon na magsalungat sa pagboot na ini asin maghingowang raoton an Templo duman. Ako, si Dario, an nagboot. Kaipuhan na kuyogon nanggad an sakong pagboot.”

Salmo 10:17

Dadangogon mo, Kagurangnan, an mga pamibi nin mga mahuyo; tatawan mo sinda nin kosog nin boot.

Salmo 116:1

Namomotan ko an Kagurangnan, huli ta dinangog niya an sakong tingog asin mga pakimaherak.

Salmo 34:17

Kun minaagrangay an mga matanos, dinadangog nin Kagurangnan; iliniligtas niya sinda sa gabos nindang kasakitan.

Salmo 65:3

huli kan saindang mga kasalan. Nadadaog kami kan samong mga kasalan, alagad pinapatawad mo iyan.

Salmo 66:19

Alagad totoong an Dios naghinanyog, pamibi ko saiyang dinangog.

Exodo 20:11

Huli ta sa anom na aldaw ginibo ko an daga, an langit, an kadagatan sagkod an gabos na yaon diyan, alagad sa ikapitong aldaw, nagpahingalo ako. Kaya benendisyonan ko an Sabbath asin pinabanal iyan.

Exodo 29:44

Kokonsagrahon ko an Tabernakulo asin an altar; siring man si Aaron sagkod an saiyang mga aki kokonsagrahon ko tanganing maglingkod sinda sako bilang mga padi.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 7:10

Ginigibo nindo an mga bagay na ini na kinakaongisan ko, dangan minadigdi kamo saka minatindog sa atubangan ko, sa laog kan sakong Templo, dangan minasabi kamo, ‘Ligtas kami!’

Daniel 9:23

Kan saimong poonan an pakimaherak sa Dios, sinimbag ka niya. Namomotan ka niya, kaya napadigdi ako tanganing ipaabot saimo an simbag. Paghinanyog mantang ipinapaliwanag ko an bisyon.

Mga Bilang 16:38

Nagin banal an mga ini kan idolot sa altar nin Kagurangnan. An mga insensaryo kan mga lalaking ini na ginadan huli ta nagkasala, pulpogon mo asin gibohon na mga mahimpis na pantahob sa altar. Ini magigin sarong tanda para sa mga Israelita.”

Mateo 6:9

Arog kaini an pagpamibi nindo: ‘Ama nyamong nasa langit, Sambahon an ngaran mo;

Juan 11:42

Aram ko na danay mo akong dinadangog, alagad sinasabi ko ini dahel sa mga tawong uya digdi nganing magtubod sinda na sinugo mo ako.”

Mga Gibo 10:31

na nagsabi, ‘Cornelio! Dinangog nin Dios an saimong pamibi; ikinaogma niya an mga paglimos mo.

Deuteronomio 11:12

Sa bilog na taon, an Kagurangnan na saindong Dios an nag-aataman asin nagbabantay kan dagang iyan.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:21

Kun harayong marahay sa saindo an lugar na pagsasambahan, kun boot nindo, pwede kamong magbuno kan arin man sa saindong baka saka karnero na itinao saindo nin Kagurangnan, dangan kakanon nindo iyan sa saindong harong siring sa sinabi ko saindo.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

1 Juan 5:14

May pagsarig kita sa Dios na dadangogon niya kita kun minahagad kita saiya nin anoman sosog sa saiyang kabotan.