1 Mga Hade 9:16 - Marahay na Bareta Biblia

¹⁶ An Gezer sinalakay kaidto kan hade nin Egipto, sinakop, ginadan an mga tawo asin sinulo an syudad. Dangan itinao kan hade nin Egipto an Gezer bilang regalo sa saiyang aking babae kan ikasal ini ki Solomon.

1 Mga Hade 9:16 ပူးပေါင်းရင်းမြစ်များ

1 Mga Hade 3:1

Nakipag-alyansa si Solomon sa hade nin Egipto kan agomon niya an aki kaini. Dinara niya an prinsesa sa syudad ni David tanganing duman mag-erok sagkod na matapos an pagpatugdok niya kan palasyo, kan Templo, asin kan kudal sa palibot nin Jerusalem.

1 Mga Hade 7:8

An sadiring erokan ni Solomon, sa saro pang patyo sa likod kan Sala nin Paghukom ginibo siring kan Salang ini. Siring man an ipinagibo niyang harong para sa saiyang agom, an aking babae kan hade nin Egipto.

1 Mga Hade 9:24

Pinatambakan ni Solomon nin daga an sirangan na parte kan syudad, pakatapos na an saiyang agom, an aking babae kan Hade nin Egipto, maghale sa Syudad ni David tanganing mag-erok sa palasyo na ipinatugdok para saiya ni Solomon.

Josue 10:33

Uminabot si Hadeng Horam kan Gezer sa pagtabang sa Lakis, alagad siya asin an saiyang hukbo dinaog ni Josue; mayo sainda nin itinadang buhay.

Josue 16:10

Alagad dai ninda pinahale an mga Cananeo na nag-erok sa Gezer kaya sagkod ngunyan an mga Cananeo nag-eerok kaiba kan mga Efraimita, alagad pinirit sindang maglingkod bilang mga oripon.