1 Mga Hade 9:15 - Marahay na Bareta Biblia

¹⁵ Ipinagboot ni Hadeng Solomon an pirit na pagpatrabaho tanganing ikatugdok an Templo asin an palasyo, tanganing patambakan nin daga an sirangan na parte kan syudad, saka ikatugdok an kudal kan syudad. Ipinagboot man niya an pirit na pagpatrabaho tanganing mapakarahay an mga syudad nin Hazor, Megido, sagkod an Gezer. (

1 Mga Hade 9:15 ပူးပေါင်းရင်းမြစ်များ

2 Samuel 5:9

Duman na nag-erok si David sa bantayan asin nginaranan niya ining “Syudad ni David.” Pinadakula niya an syudad magpoon sa lugar na tinambakan nin daga sa sirangan na parte kan bulod.

1 Mga Hade 11:27

Iyo ini an istorya kan pagrebelde ni Jeroboam. Pinapatambakan kaidto ni Solomon nin daga an sirangan na parte kan Jerusalem asin ipinapahirahay an mga kudal kan syudad.

1 Mga Hade 12:4

“Nagin makuri samo an saimong ama na si Solomon asin binugtakan kami nin magagabat na pasanon. Kun pagianon mo an mga pasanon na ini saka gibohon mo na masayon an buhay para sa samo, paglilingkodan mi ika.”

1 Mga Hade 3:1

Nakipag-alyansa si Solomon sa hade nin Egipto kan agomon niya an aki kaini. Dinara niya an prinsesa sa syudad ni David tanganing duman mag-erok sagkod na matapos an pagpatugdok niya kan palasyo, kan Templo, asin kan kudal sa palibot nin Jerusalem.

1 Mga Hade 4:12

Baana, na aking lalaki ni Ahilud: an mga syudad nin Taanac, Megido, asin an bilog na rehiyon harani sa Bet-sean, na harani sa banwa nin Zaretan, sa parteng habagat kan banwa nin Jezreel, sagkod sa syudad nin Abel-mehola asin sa syudad nin Jokmeam

1 Mga Hade 5:13

Nagpaluwas si Hadeng Solomon nin sarong pagboot dapit sa pirit na pagpatrabaho sa bilog na Israel; an bilang kan gabos na matrabaho uminabot sa treynta mil katawo.

1 Mga Hade 6:38

Kan ikawalong bulan, an bulan nin Bul, kan ikaonseng taon kan paghade ni Solomon, natapos an Templo sosog sa plano. Pitong taon ining ipinatugdok ni Solomon.

1 Mga Hade 9:10

Inabot nin beynteng taon si Solomon sa pagpatugdok kan Templo asin kan saiyang palasyo.

1 Mga Hade 9:24

Pinatambakan ni Solomon nin daga an sirangan na parte kan syudad, pakatapos na an saiyang agom, an aking babae kan Hade nin Egipto, maghale sa Syudad ni David tanganing mag-erok sa palasyo na ipinatugdok para saiya ni Solomon.

2 Mga Hade 12:20

An saiyang mga opisyal nagkasararo laban ki Joas asin ginadan siya ninda duman sa harong na itinugdok sa lugar na tinambakan nin daga sa sirangan na parte kan Jerusalem, sa dalan paibaba sa Silla.

2 Mga Hade 15:29

Sa panahon kan paghahade ni Peka, an Israel sinalakay ni Tiglat-pileser, an emperador nin Asiria, asin nasakop niya an Ijon, Abel-bet-maaca, Janoa, Kedes, Hazor, Gilead, saka Galilea asin an bilog na daga nin Neftali; an mga nag-eerok digdi dinara niyang bihag sa Asiria.

2 Mga Hade 9:27

Kan mahiling ini ni Hadeng Ahazias, duminulag siya pasiring sa Bet-hagan, alagad linamag siya ni Jehu. “Panaa man nindo siya!” an pagboot ni Jehu sa saiyang mga tawohan; asin pinana ninda siya sa laog kan saiyang karwahe duman sa tukadon nin Gur, harani sa banwa nin Ibleam. Alagad nakadulag si Ahazias pasiring sa Megiddo asin duman siya nagadan.

1 Mga Cronica 20:4

Pakatapos kaini, nagkaigwa nin gera laban sa mga Filisteo sa Gezer; sa ralaban na ini, nagadan ni Sibecai na taga Husa si Sipai, na saro sa mga kapagarakian kan mga higante, asin nadaog an mga Filisteo.

1 Mga Cronica 6:67

Itinao sainda an Shekem, sarong syudad na pailihan sa mabulod na daga nin Efraim, an Gezer,

2 Mga Cronica 35:22

Alagad boot nanggad na makilaban si Josias. Dai niya dinangog an tataramon nin Dios sa paagi ni Hadeng Neco. Nagsagin-sagin siya na bakong hade dangan nagduman sa kapantayan nin Meggido tanganing makilaban.

2 Mga Cronica 8:1

Inabot nin beynteng taon si Solomon sa pagpatugdok kan Templo asin kan saiyang palasyo.

Salmo 51:18

Sa saimong pagkamarahayon, tabangan mo an Sion; an mga lanob nin Jerusalem saimong pakarahayon.

Zacarias 12:11

Sa panahon na iyan, an pagtangis sa Jerusalem makakaarog sa pagtangis para ki Hadad-rimmon sa kapantayan nin Megiddo.

Josue 10:33

Uminabot si Hadeng Horam kan Gezer sa pagtabang sa Lakis, alagad siya asin an saiyang hukbo dinaog ni Josue; mayo sainda nin itinadang buhay.

Josue 11:1

Kan makaabot ki Hadeng Jabin kan Hazor an bareta kan mga kapangganahan nin Israel, nagpadara siya nin mensahe ki Hadeng Jobab kan Madon, sa mga hade kan Simron asin Acsaf,

Josue 16:10

Alagad dai ninda pinahale an mga Cananeo na nag-erok sa Gezer kaya sagkod ngunyan an mga Cananeo nag-eerok kaiba kan mga Efraimita, alagad pinirit sindang maglingkod bilang mga oripon.

Josue 16:3

Dangan minapasolnopan sa daga kan mga Jafaletita, sagkod sa daga kan Ibabang Bet-horon. Hale duman, minapadagos sa Gezer sagkod sa Dagat nin Mediteraneo.

Josue 17:11

Sa laog kan daga ni Issakar asin ni Asher, nasadirihan ni Manases an mga syudad kan Bet-sean asin Ibleam, kaiba an mga banwa sa palibot kan mga iyan, siring man an Dor (an nasa baybayon), Endor, Taanac, Megido, asin an mga banwa sa palibot kan mga iyan.

Josue 19:36

Adama, Rama, Hazor,

Josue 21:21

Apat na syudad an itinao sainda: an Shekem asin an dagang pasabsaban duman sa mabulod na daga kan Efraim (saro kan mga syudad na pailihan), an Gezer,

Hukom 1:29

Dai man pinahale kan tribu ni Efraim an mga Cananeo na nag-eerok sa syudad nin Gezer, kaya padagos na nag-erok sinda duman, kaiba kan mga Israelita.

Hukom 4:2

Kaya ipinasakop sinda nin Kagurangnan ki Jabin, sarong hadeng Cananeo na naghade sa syudad nin Hazor. Si Sisera, na taga Haroset-hagoiim, iyo an pamayo kan saiyang hukbo.

Hukom 5:19

Sa Taanac, sa may sapa nin Megido, nagdatong an mga hade asin nakilaban; nakilaban man an mga hade nin Canaan, alagad mayo sindang plata na nasamsam.

Hukom 9:20

Alagad kun bako, tutongon logod kan kalayo ni Abimelec an mga lalaki nin Shekem asin Bet-millo; asin tutongon logod si Abimelec kan kalayo kan mga lalaki nin Shekem asin Bet-millo.”

Hukom 9:6

Pakatapos kaini, nagtiripon an gabos na kalalakihan kan Shekem asin Bet-millo dangan nagduruman sa sagradong kahoy na hamurawon sa Shekem asin duman ninda ginibong hade si Abimelec.