1 Mga Hade 9:11 - Marahay na Bareta Biblia

¹¹ Si Hiram na hade nin Tiro an nagpadara kan mga kahoy na sedro saka aguho, asin kan gabos na bulawan na kaipuhan ni Solomon para sa trabaho. Kan matapos an mga ini, tinawan ni Hadeng Solomon si Hiram nin beynteng banwa sa rehiyon nin Galilea.

1 Mga Hade 9:11 ပူးပေါင်းရင်းမြစ်များ

1 Mga Hade 9:10

Inabot nin beynteng taon si Solomon sa pagpatugdok kan Templo asin kan saiyang palasyo.

1 Mga Hade 9:12

Alagad kan magduman si Hiram tanganing hilingon an mga banwa, dai niya iyan nagustohan.

1 Mga Hade 9:14

Sobra sa apat na ribong kilo nin bulawan an ipinadara ni Hiram ki Solomon.

2 Mga Cronica 2:16

Duman kami sa Lebanon mapalod nin kahoy na kaipuhan mo; bubugkoson mi iyan dangan gigibohon na mga balsa na samong ipapaanod sa dagat pasiring sa Jope. Hale duman, pwede mo nang madara iyan sa Jerusalem.

2 Mga Cronica 8:2

Pinatindog niya giraray an mga syudad na itinao saiya ni Hadeng Hiram, asin duman pinaerok an ibang Israelita.

Amos 1:9

Nagtataram an Kagurangnan, “Paulit-ulit na nagkasala an mga taga Tiro, asin huli kaiyan, papadusahan ko sinda. Dinara nindang bihag an sarong bilog na nasyon sa daga nin Edom. Dai ninda inotob an tipan nin pakikipagkatood na saindang ginibo.

Josue 20:7

Kaya, sa solnopan kan Salog nin Jordan linaen ninda an Kedes sa Galilea, sa mabulod na daga kan Neftali; an Shekem, sa mabulod na daga kan Efraim; asin an Hebron, sa mabulod na daga kan Juda.