1 Mga Hade 9:1 - Marahay na Bareta Biblia

¹ Kan ikatugdok na ni Solomon an Templo, an palasyo, asin an gabos na binoot niyang ipatugdok,

1 Mga Hade 9:1 ပူးပေါင်းရင်းမြစ်များ

1 Mga Hade 3:1

Nakipag-alyansa si Solomon sa hade nin Egipto kan agomon niya an aki kaini. Dinara niya an prinsesa sa syudad ni David tanganing duman mag-erok sagkod na matapos an pagpatugdok niya kan palasyo, kan Templo, asin kan kudal sa palibot nin Jerusalem.

1 Mga Hade 6:37

An pundasyon kan Templo ibinugtak kan ikaduwang bulan, an bulan nin Ziv, kan ikaapat na taon kan paghahade ni Solomon.

1 Mga Hade 7:1

Ipinatugdok man ni Solomon an saiyang palasyo asin natapos ini sa laog nin treseng taon.

1 Mga Hade 7:2

An Sala kan Kadlagan nin Lebanon igwa nin sukol na kwarenta y kwatro metros an laba, beynte y dos metros an lakbang, asin trese metros may singkwenta sentimetros an langkaw. An salang ini igwa nin tolong raya nin mga hariging sedro asin sa lambang raya igwa nin kinseng harigi, na natutumbawan kan mga kahabaan na kahoy na sedro. Sedro man an kisame na nakakaabot sa mga sarayan na kwarto, na pinapakosog kan mga harigi.

1 Mga Hade 7:51

Kan mahaman na an gabos na ipinagibo ni Hadeng Solomon para sa Templo nin Kagurangnan ilinaog niya sa mga sarayan kan Templo an gabos na kinonsagra ni David, na saiyang ama, para sa Kagurangnan—an plata, bulawan, asin iba pang mga kasangkapan.

1 Mga Hade 8:66

Kan ikawalong aldaw pinapuli ni Solomon an mga tawo. Benendisyonan kan mga tawo si Solomon asin maogma sindang nagpuli huli kan gabos na bendisyon na itinao nin Kagurangnan sa saiyang sorogoon na si David sagkod sa banwaan nin Israel.

1 Mga Hade 9:10

Inabot nin beynteng taon si Solomon sa pagpatugdok kan Templo asin kan saiyang palasyo.

1 Mga Hade 9:11

Si Hiram na hade nin Tiro an nagpadara kan mga kahoy na sedro saka aguho, asin kan gabos na bulawan na kaipuhan ni Solomon para sa trabaho. Kan matapos an mga ini, tinawan ni Hadeng Solomon si Hiram nin beynteng banwa sa rehiyon nin Galilea.

1 Mga Hade 9:19

an mga syudad na sarayan kan saiyang mga kagamitan, an mga syudad para sa saiyang mga kabayo saka mga karwahe, sagkod an gabos na binoot niyang itugdok sa Jerusalem, sa Lebanon, patin sa gabos na dagang sakop niya.

2 Mga Cronica 7:1

Pakapamibi ni Solomon, may kalayo na naghilig hale sa langit dangan tinutong an mga idinolot na atang, asin an Templo napano kan kamurawayan nin Kagurangnan.

2 Mga Cronica 7:11

Natapos ni Solomon an pagpatugdok kan Templo, kan palasyo asin kan gabos na inisip niyang ipagibo sa laog kan mga ini.

2 Mga Cronica 8:1

Inabot nin beynteng taon si Solomon sa pagpatugdok kan Templo asin kan saiyang palasyo.

2 Mga Cronica 8:6

dangan an syudad nin Baalat, an gabos na syudad na sarayan kan saiyang mga kagamitan, asin an mga syudad para sa saiyang mga karwahe saka mga paralunad sa kabayo. Hinaman niya an mga edipisyo na boot niyang itugdok sa Jerusalem, sa Lebanon, asin sa gabos na lugar na sakop niya.

Parahulit 2:10

Nakamtan ko an anoman na minawot ko. Dai ko isinayuma sa sadiri ko an anoman na kaogmahan. Ipinag-orgulyo ko an gabos na ginibo ko, asin ini an premyo kan gabos kong ginibo.

Parahulit 2:4

Dakulang mga bagay an nagibo ko. Nagtugdok ako para sako nin mga harong asin nagtanom nin mga ubas.

Parahulit 6:9

Ini mayo man nin halaga, asin garo sana paglamag sa doros. Mas marahay pang makontento ka kan yaon na saimo ki sa sarong bagay na danay pang minamawot.