1 Mga Hade 8:7 - Marahay na Bareta Biblia

⁷ Natahoban kan nakaunat nindang mga pakpak an Kaban asin an mga pasanan kaini.

1 Mga Hade 8:7 ပူးပေါင်းရင်းမြစ်များ

1 Mga Hade 6:27

Magkataed na ibinugtak sa Kabanal-banaleng Lugar an mga kerubin. Nakaunat an saindang mga pakpak kaya an sarong pakpak kan sarong kerubin nakaduta sa sarong ibong na lanob mantang an sarong pakpak kan saro pang kerubin nakaduta man sa sarong ibong na lanob; an saindang mga pakpak na dai nakaduta sa mga lanob nagdudutaan sa tahaw kan kwarto.

1 Mga Hade 8:6

An Kaban nin Tipan ilinaog kan mga padi sa pinakalaog na santwaryo kan Templo, sa Kabanal-banaleng Lugar, sa irarom kan mga pakpak kan mga kerubin.

1 Mga Hade 8:8

Haralaba an mga pasanan, kaya an mga poro kaini nahihiling sa Banal na Lugar, sa atubangan kan Kabanal-banaleng Lugar; alagad an mga ini dai pwedeng mahiling sa luwas. (Yaon pa ini duman sagkod ngunyan).

Exodo 25:20

Maghahampangan an duwang kerubin sa ibabaw kan takop, na matatahoban kan nakaunat nindang mga pakpak.

Isaias 6:2

Sa palibot niya nagtitindog an mga serafim; an lambang saro sainda igwa nin anom na pakpak: an duwa pantahob kan saindang lalawogon, an duwa pantahob kan saindang mga bitis, asin an duwa ginagamit ninda sa paglayog.

Mga Bilang 4:6

An Kaban tatahoban ninda nin anit nin kanding dangan ibibiklad ninda sa ibabaw kaiyan an sarong telang anas asul. Dangan isusurok ninda an mga pasanan.

Hebreyo 9:5

Sa ibabaw kan kaban iyo an mga kerubin, na nagpapamidbid na yaon duman an Dios. Unat an mga pakpak ninda na nakatahob sa takop. Alagad bako ngunyan an panahon sa pagpaliwanag kan mga bagay na ini.