1 Mga Hade 8:66 - Marahay na Bareta Biblia

⁶⁶ Kan ikawalong aldaw pinapuli ni Solomon an mga tawo. Benendisyonan kan mga tawo si Solomon asin maogma sindang nagpuli huli kan gabos na bendisyon na itinao nin Kagurangnan sa saiyang sorogoon na si David sagkod sa banwaan nin Israel.

1 Mga Hade 8:66 ပူးပေါင်းရင်းမြစ်များ

Genesis 47:7

Dangan dinara ni Jose an saiyang ama asin ipinamidbid sa hade. Benendisyonan ni Jacob an hade.

1 Mga Hade 8:1

Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin mga lider kan mga kamaganakan kan banwaan nin Israel tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

1 Mga Hade 8:47

hinanyoga an mga pamibi nin saimong banwaan. Kun sa dagang pinagdarahan sainda magsolsol saka mamibi sinda saimo, mag-ako kan saindang kasombikalan, hinanyoga an saindang mga pamibi, O Kagurangnan.

1 Mga Hade 8:65

Duman sa Templo, si Solomon asin an bilog na banwaan nin Israel nagselebrar kan Pyesta nin mga Harong-harong sa laog nin pitong aldaw. Dakul nin marahay an tawo na nagtiripon duman na hale pa sa harayong Dalan nin Hamat sa amihan sagkod sa pagdolonan nin Egipto sa habagat.

1 Mga Hade 9:1

Kan ikatugdok na ni Solomon an Templo, an palasyo, asin an gabos na binoot niyang ipatugdok,

2 Mga Cronica 29:36

Naogma si Hadeng Ezekias asin an banwaan huli ta tinabangan sinda nin Dios na magibo tolos an gabos na ini.

2 Mga Cronica 30:26

Nagkaigwa nin dakulang kaogmahan sa Jerusalem, huli ta dai pa nagkaigwa nin siring na pangyayari magpoon kan panahon ni Hadeng Solomon na aki ni David.

2 Mga Cronica 7:10

dangan kan sunod na aldaw, an ikabeynte y tres na aldaw kan ikapitong bulan, pinapuli ni Solomon an mga tawo sa saindang harong. Nag-orogma sinda gabos huli sa karahayan na ipinahiling nin Kagurangnan ki David, ki Solomon, asin sa bilog na Israel.

Nehemias 8:10

Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

Nehemias 9:25

Sinakop kan saimong banwaan an mga pinapusog na syudad, sarong mayaman na daga saka mga harong na pano nin kayamanan, mga bubon na dati nang kinalot, mga olibahan, mga kahoy na namumunga, asin mga ubasan. Nagkarakan sinda kan boot ninda asin sinda, nagtaraba; nag-orogma sinda sa dakulang karahayan na itinao mo sainda.

Salmo 122:6

Ipamibi nindo an katoninongan nin Jerusalem! “Mag-uswag logod an mga namomoot saimo.

Salmo 122:9

Huli sa harong nin Kagurangnan na samuyang Dios, ipapamibi ko an saimong karahayan.

Isaias 63:7

Ipapahayag ko an danay na pagkamoot nin Kagurangnan; inoomaw ko siya huli kan gabos na ginibo niya para samo. Dakulang marahay an itinao niyang biyaya sa banwaan nin Israel huli kan saiyang pagkaherak asin danay na pagkamoot.

Sofonias 3:14

Pag-awit asin pagkurahaw sa kaogmahan, banwaan nin Israel! Pag-ogma sa bilog mong puso, O Jerusalem!

Zacarias 9:17

Orog na magigin marahay saka magayon an daga! Huli sa trigo saka arak, orog na magigin makosog an mga hoben na lalaki asin babae.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

Galacia 5:22

Alagad an bunga kan Espiritu pagkamoot, kaogmahan, katoninongan, pakatios, kabootan, karahayan, kaimbodan;

Deuteronomio 12:12

Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!

Josue 22:6

Bago sinda pinapuli ni Josue, benendisyonan niya sinda asin sinabihan, “Mayaman kamong mapuli, dara an dakul na hayop, plata, bulawan, bronse, lansang sagkod gubing. Hirasan nindo an saindong mga tugang kan mga bagay na nasamsam nindo sa saindong mga kaiwal!” Dangan nagpuli na sinda. Itinao ni Moises sa kabanga kan tribu ni Manases an daga sa sirangan kan Jordan, alagad itinao ni Josue sa kabanga pang tribu ni Manases an daga sa solnopan kan Jordan, sa kaibahan kan ibang mga tribu.