1 Mga Hade 8:65 - Marahay na Bareta Biblia

⁶⁵ Duman sa Templo, si Solomon asin an bilog na banwaan nin Israel nagselebrar kan Pyesta nin mga Harong-harong sa laog nin pitong aldaw. Dakul nin marahay an tawo na nagtiripon duman na hale pa sa harayong Dalan nin Hamat sa amihan sagkod sa pagdolonan nin Egipto sa habagat.

1 Mga Hade 8:65 ပူးပေါင်းရင်းမြစ်များ

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

1 Mga Hade 3:15

Nagmata si Solomon asin naaraman niya na an Kagurangnan nagtaram saiya sa pangatorogan. Dangan nagduman siya sa Jerusalem asin nagtindog sa atubangan kan Kaban nin Tipan nin Kagurangnan; nagdolot siya duman nin mga tinutong na atang asin mga dolot para sa katoninongan. Pakatapos, nagbangkete siya para sa gabos niyang mga opisyal.

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

1 Mga Hade 4:24

Sakop ni Solomon an gabos na daga sa solnopan kan Salog nin Eufrates, magpoon sa Tifsa sagkod sa Gaza. Sakop man niya an mga hade sa solnopan kan Salog nin Eufrates; igwa nin katoninongan sa palibot ni Solomon.

1 Mga Hade 8:2

Nagtiripon sinda sa atubangan ni Hadeng Solomon kan Pyesta nin mga Harong-harong, kan bulan nin Etanim na iyo an ikapitong bulan.

1 Mga Hade 8:66

Kan ikawalong aldaw pinapuli ni Solomon an mga tawo. Benendisyonan kan mga tawo si Solomon asin maogma sindang nagpuli huli kan gabos na bendisyon na itinao nin Kagurangnan sa saiyang sorogoon na si David sagkod sa banwaan nin Israel.

2 Mga Hade 14:25

Nabawi niya an gabos na teritoryo na pagsadiri kan Israel, magpoon sa dalan nin Hamat sagkod sa Gadan na Dagat, sosog sa tataramon nin Kagurangnan, an Dios nin Israel, kan siya magtaram sa paagi kan sorogoon niyang si Propeta Jonas na aking lalaki ni Amitai, na taga Gat-hefer.

2 Mga Hade 17:24

An emperador nin Asiria nagkua nin mga tawo hale sa mga syudad nin Babilon, Cut, Ivva, Hamat, saka Sefarvaim dangan pinaerok sinda sa mga syudad nin Samaria bilang kasalihid kan itinapok na mga Israelita. Kaya sinadiri ninda an Samaria saka nag-erok sinda sa mga syudad duman.

2 Mga Hade 23:33

Natapos an saiyang paghahade kan mabihag siya ni Neco na hade nin Egipto. Ibinilanggo ni Neco si Joahaz sa Ribla, sa daga nin Hamat, dangan pinapagbuhis an Juda nin tres mil kwatro syentos kilos na plata asin treynta y kwatro kilos na bulawan.

1 Mga Cronica 1:16

Arvadeo, Zemareo, asin Hamateo.

1 Mga Cronica 13:5

Kaya tinipon ni David an bilog na Israel, magpoon sa pagdolonan kan Egipto sa habagat, sagkod sa Dalan nin Hamat sa amihan, tanganing kuahon an Kaban nin Tipan sa Kiriat-jearim asin darahon sa Jerusalem.

2 Mga Cronica 30:13

Dakul na tawo an nagtiripon sa Jerusalem sa pagselebrar kan Pyesta nin Tinapay na mayo nin Lebadura kan ikaduwang bulan.

2 Mga Cronica 30:23

nagka-oroyon an mga tawo na ipadagos an pyesta nin pito pang aldaw; kaya maogma sindang nagpadagos kan selebrasyon.

Exodo 23:31

Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Isaias 27:12

Sa aldaw na iyan, magpoon sa Salog nin Eufrates sagkod sa pagdolonan kan Egipto, saro-sarong titiponon nin Kagurangnan an saiyang banwaan, siring sa sarong tawo na naglalaen kan trigo sa ata.

Ezekiel 47:19

“An pagdolonan sa habagat mapoon sa Tamar dangan mapasiring sa habagat-solnopan sa Meribat-Kades; dangan mapasiring sa amihan-solnopan, mamamaybay sa Sapa nin Egipto sagkod sa Dagat nin Mediteraneo.

Amos 6:14

An Kagurangnan mismo, an Dios nin mga hukbo, nagtataram, “Banwaan nin Israel, sarong dayuhan na hukbo an ipapadara ko tanganing sakopon an saindong daga. Aapihon kamo kaiyan magpoon sa Agihan nin Hamat sa amihan sagkod sa Sapa nin Araba sa habagat.”

Amos 6:2

Lakaw kamo asin hilinga nindo an syudad nin Calne, dangan magdagos kamo sa dakulang syudad nin Hamat saka lumugsot kamo pasiring sa Filistiong syudad nin Gat. Mas marahay daw an mga ini ki sa mga kahadean nin Juda saka Israel? Mas dakula daw an saindang teritoryo ki sa teritoryo nindo?

Mga Bilang 34:5

saen maliko iyan pasiring sa kapantayan na nasa pagdolonan nin Egipto saka matapos sa Mediteraneo.

Mga Bilang 34:8

hale duman mapasiring sa Dalan nin Hamat. Mapadagos iyan sa Zedad

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)

Josue 13:5

an daga kan mga Gibalita; an bilog na Lebanon sa sirangan, magpoon sa Baal-gad sa habagat kan Bukid nin Hermon, sagkod sa Dalan nin Hamat.

Josue 15:1

An mga pamilya kan tribu ni Juda nag-ako kan kahirasan na daga na ilinaladawan siring kaini: An daga minapasiring sa habagat sa pinakaporo kan kalangtadan nin Zin, sa pagdolonan kan Edom.

Josue 15:4

padagos sa Asmon, asin minasunod sa sapa na nasa pagdolonan nin Egipto dangan minatapos sa Dagat nin Mediteraneo. Iyo ini an pagdolonan sa habagat kan daga ni Juda.

Josue 19:35

An mga pinapusog na syudad iyo an Ziddim, Zer, Hammat, Rakkat, Kinneret,

Hukom 3:3

An mga natada iyo: an limang syudad kan mga Filisteo, an gabos na Cananeo, an mga Sidoneo, an mga Heveo na nag-erok sa Kabukidan nin Lebanon magpoon sa Bukid nin Baal-hermon sagkod sa agihan pasiring sa Hamat.