1 Mga Hade 8:63 - Marahay na Bareta Biblia

⁶³ Nagsakripisyo siya nin beynte y dos mil na baka asin syento beynte mil na karnero bilang dolot para sa katoninongan.

1 Mga Hade 8:63 ပူးပေါင်းရင်းမြစ်များ

1 Mga Cronica 29:21

Sunod na aldaw, nagsakripisyo sinda sa Kagurangnan; nagdolot sinda nin mga tinutong na atang—sangribo na torong baka, sangribong lalaking karnero asin sangribong kordero. Nagdolot man sinda nin inomon na arak.

2 Mga Cronica 15:11

Kan aldaw na idto, nagdolot sinda nin mga sakripisyo sa Kagurangnan hale sa mga sinamsam ninda: syete syentos na baka asin syete mil na karnero.

2 Mga Cronica 2:4

Mapatugdok ako nin templo para sa ngaran kan Kagurangnan na sakuyang Dios; kokonsagrahon ko iyan saiya tanganing pagtutongan nin insenso nin mga pahamot sa atubang niya, asin danay na pagdolotan kan mga dolot na tinapay saka mga tinutong na atang aga-aga asin barubanggi, siring man kun mga Sabbath, mga Pyesta kan Bagong Bulan asin mga talaan na pyesta nin Kagurangnan na samuyang Dios. Ipinagboot nin Kagurangnan na gibohon ini nin Israel sagkod lamang.

2 Mga Cronica 30:24

Nagtao si Hadeng Ezekias nin sangribong torong baka saka syete mil na karnero tanganing bunoon dangan kakanon kan mga tawo. Nagtao man an mga opisyal nin sangribong torong baka saka dyes mil na karnero. Dakul na padi an nagkonsagra kan saindang sadiri.

2 Mga Cronica 7:4

Dangan si Hadeng Solomon asin an bilog na banwaan nagdolot nin sakripisyo sa Kagurangnan.

2 Mga Cronica 7:5

Bilang sakripisyo nagdolot siya nin beynte y dos mil na baka saka syento beynte mil na karnero. Sa paaging ini kinonsagra kan hade asin kan banwaan an Templo nin Dios.

Esdras 6:15

Natapos ninda an Templo kan ikatolong aldaw kan bulan nin Adar, kan ikaanom na taon kan pamamayo ni Emperador Dario.

Nehemias 12:27

Kan ikonsagra an kudal kan syudad nin Jerusalem, ipinaapod an gabos na Levita sa manlaen-laen na lugar na saindang pinag-eerokan tanganing makaiba sa selebrasyon na pano nin kaogmahan asin pasasalamat, kaiba an mga awit sa tanog nin mga gimbal, mga arpa, saka mga lira.

Salmo 30:1

Oomawon taka, Kagurangnan, huli ta ilinigtas mo ako asin dai mo itinugot na pagngisihan ako kan sakong mga kaiwal.

Ezekiel 36:38

An mga syudad na rumpag ngunyan mapapano nin mga tawo, siring na an Jerusalem dating pano nin mga karnero na idinolot bilang atang sa talaan na pyesta. Dangan maaaraman ninda na ako an Kagurangnan.”

Ezekiel 45:17

Katongdan kan prinsipe na pagtao kan mga hayop na tututongon, kan mga dolot na pagkakan, saka kan dolot na inomon para sa bilog na nasyon nin Israel sa mga Pyesta kan Bagong Bulan, sa mga Sabbath, asin sa iba pang talaan na mga pyesta. Siya an matao kan mga dolot para sa kasalan, mga dolot na pagkakan, mga tinutong na atang saka an mga atang para sa katoninongan, tanganing mabayadan an mga kasalan kan banwaan nin Israel.”

Mikas 6:7

Mawiwili daw an Kagurangnan kun darahan ko siya nin rinibong karnero o lana nin oliba na daing ontok sa pagbulos? Idodolot ko daw an matua kong aki tanganing mabayadan an sakong mga kasalan?

Juan 10:22

Pyesta kaidto sa Jerusalem kan Pagkonsagra kan Templo.