1 Mga Hade 8:56 - Marahay na Bareta Biblia

⁵⁶ “Pag-omawon an Kagurangnan na nagtao sa Israel nin kapahingaloan, sosog sa gabos niyang panuga. Inotob niya an gabos na marahay na panuga na ginibo niya huli sa sorogoon niyang si Moises.

1 Mga Hade 8:56 ပူးပေါင်းရင်းမြစ်များ

2 Mga Hade 10:10

Saboton nindo na maootob an lambang tataramon nin Kagurangnan manongod sa kapagarakian ni Ahab, asin pinatotoohan nin Kagurangnan an itinaram niya sa paagi kan propeta niyang si Elias.”

1 Mga Cronica 16:36

Pag-omawon an Kagurangnan, an Dios nin Israel, ngunyan asin sagkod pa man!” Dangan an mga tawo nagsabi, “Amen!” asin nag-omaw sa Kagurangnan.

1 Mga Cronica 22:9

Alagad nagtaram siya sako, ‘Magkakaigwa ka nin aking lalaki. Maghahade siya sa katoninongan; dai siya pupurisawon asin iiwalon kan saiyang mga kaiwal. Solomon an saiyang magigin ngaran, huli ta sa panahon nin saiyang paghahade, tatawan ko nin katoninongan asin katiwasayan an Israel.

2 Mga Cronica 14:6

Pinapusog ni Asa an mga syudad nin Juda. Dakul na taon na dai nagkaigwa nin gera kan panahon niya huli ta itinao saiya nin Kagurangnan an katoninongan.

Exodo 18:10

asin siya nagsabi, “Omawon an Kagurangnan na nagligtas saindo sa kamot kan hade asin kan mga Egipcio.

Lukas 21:33

Mapapara an langit asin an daga, alagad an sakong mga tataramon dai nanggad mapapara.

Deuteronomio 12:10

Pakabalyo nindo sa Salog nin Jordan, ipapasakop niya saindo an daga asin mag-eerok kamo duman. Ililigtas niya kamo sa saindong mga kaiwal asin mabubuhay kamo nin matoninong.

Deuteronomio 12:12

Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

Deuteronomio 3:20

Tabangan nindo an saindong kapwa Israelita sagkod na masakop ninda an daga na itinatao sainda nin Kagurangnan duman sa solnopan kan Jordan, asin sagkod na tugotan sinda nin Kagurangnan na mag-erok duman nin matoninong, arog kan ginibo niya digdi para saindo. Pakatapos, magpuli na kamo digdi sa daga na itinao ko saindo.’

1 Samuel 3:19

Nagdakula si Samuel na danay na iniibahan nin Kagurangnan; inotob niya an lambang sinabi ni Samuel.