1 Mga Hade 8:48 - Marahay na Bareta Biblia

⁴⁸ Kun magsolsol sinda sa bilog na puso asin isip duman sa daga kan saindang mga kaiwal na nagbihag sainda, asin mamibi saimo mantang nakaatubang sa dagang ini na itinao mo sa saindang mga ginikanan, sa syudad na ini na saimong pinili, asin sa Templong ini na itinugdok ko para saimo,

1 Mga Hade 8:48 ပူးပေါင်းရင်းမြစ်များ

1 Mga Hade 8:33

“Kun madaog kan kaiwal an saimong banwaan nin Israel huli ta nagkasala sinda saimo; kun magbalik sinda saimo asin mamibi digdi sa Templo, mapakumbabang maghagad nin kapatawadan,

1 Mga Hade 8:49

hale sa langit na saimong erokan, hinanyoga an saindang mga pamibi dangan maherak ka sainda.

2 Mga Hade 23:25

Mayo pa nin hade kaidto na arog saiya, na naglingkod sa Kagurangnan sa bilog niyang puso, kalag asin kosog, na nagkuyog kan Katogonan ni Moises. Mayo na man nin nagsunod na hade na arog saiya.

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Salmo 119:10

Sa bilog kong puso hinahanap taka; dai man logod ako makasuhay sa saimong mga togon.

Salmo 119:145

Sa bilog kong puso minaapod ako saimo; simbaga ako, Kagurangnan, asin kukuyogon ko an saimong mga pagboot!

Salmo 119:2

Paladan an mga tawong nag-ootob kan saiyang mga kabotan, na nagkukuyog sa saiya sa bilog nindang puso.

Mga Talinhaga 23:26

Aki ko, paghinanyog nin marahay, asin gibohon mong arogan an sakong buhay.

Jeremias 24:7

Itatao ko sainda an pusong mag-aako na ako iyo an Kagurangnan. Dangan magigin banwaan ko sinda, asin ako an magigin Dios ninda, huli ta mabalik sinda sako sa bilog nindang puso.

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Daniel 6:10

Kan maaraman ni Daniel na pinirmahan na an pagboot, nagpuli siya sa saiyang harong. Sa sarong kwarto sa itaas kan saiyang harong, igwa nin mga bintana na nakaatubang sa Jerusalem. Duman, sosog sa dati niyang ginigibo, nagluhod siya sa may mga bukas na bintana asin namibi sa Dios tolong beses sa sarong aldaw.

Daniel 6:11

Kan mahiling kan mga kaiwal ni Daniel na namimibi ini sa Dios,

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Levitico 26:40

“Alagad ikukumpisal kan saindong mga kapagarakian an saindang mga kasalan saka an kasalan kan saindang mga ginikanan na nagsuhay asin nagtumang sako,

Jonas 2:4

Nagsaboot ako na pinahale mo na ako sa atubang mo asin dai ko na nanggad mahihiling an banal mong Templo.

Zacarias 10:9

Maski iwinarak ko sinda sa mga nasyon, alagad sa mga harayong lugar magigiromdoman ninda ako. Makakaligtas sinda asin an saindang mga aki dangan sarabay na mapuruli sa saindang harong.

Mga Gibo 8:36

Nagpadagos sinda sa pagbyahe; pag-abot sa sarong lugar na may tubig, nagsabi an eunuko, “May tubig digdi; ano pa an nakakaolang na mabunyagan ako?” [

Roma 10:10

An siisay man na nagtutubod nin tudok sa puso, nagigin matanos sa Dios; an siisay man na nagpapahayag kan pagtubod niya, nakakaligtas.

Deuteronomio 4:29

Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.