1 Mga Hade 8:36 - Marahay na Bareta Biblia

³⁶ hinanyoga sinda hale sa langit, saka patawada an mga kasalan kan hade asin kan banwaan nin Israel; tukdoan mo sinda sa paggibo nin matanos. Dangan, O Kagurangnan, tawe nin uran an saimong daga, an daga na itinao mo sa saimong banwaan bilang pamana.

1 Mga Hade 8:36 ပူးပေါင်းရင်းမြစ်များ

1 Mga Hade 18:1

Pakalihis nin dakul na aldaw, kan ikatolo nang taon na mayo nin uran, tinaraman nin Kagurangnan si Elias, “Lakaw, magpahiling ka ki Ahab ta mapadara na ako nin uran.”

1 Mga Hade 18:41

Sinabihan ni Elias si Ahab, “Lakaw na asin magkakan ka. Nadadangog ko an ragubrob kan nagdadangadang na uran.”

1 Mga Hade 18:45

Dai nahaloy nagdiklom an langit huli sa panganoron; naghuyop an doros asin naghulog an makosog na uran. Naglunad si Ahab sa saiyang karwahe asin nagbalik sa Jezreel.

Salmo 119:133

Siring sa saimong panuga, likayan ako sa pagkapadungkal; hare ako pagpadaogan sa karatan.

Salmo 119:33

Tukdoan sako, Kagurangnan, an kahulogan kan saimong mga katogonan, asin ootobon ko iyan sagkod sa kataposan.

Salmo 143:8

Pagkaaga pagiromdoman sako an danay mong pagkamoot, huli ta minasarig ako saimo. Itukdo mo sako an dalan na aagihan ko, huli ta an sakong kalag iniitaas ko saimo.

Salmo 25:12

Siisay an may pagkatakot sa Kagurangnan? Tutukdoan siya nin Dios kan piling dalan na aagihan.

Salmo 25:8

Marahay saka matanos an Kagurangnan; kaya an mga lagalag tinutukdoan niya kan dalan na dapat lakawan.

Salmo 27:11

Tukdoan sako, Kagurangnan, an saimong dalan, asin pangenote ako sa tamang agihan, huli ta dakul an sakong mga kaiwal.

Salmo 32:8

Nagtaram an Kagurangnan, “Itutukdo ko saimo an dalan na saimong lalakawan; babantayan taka asin huhulitan.

Salmo 5:8

Kagurangnan, kadakul kan sakong mga kaiwal! Pangenote ako sa paggibo kan saimong kabotan; pantaya an saimong dalan na sakong aagihan.

Salmo 68:10

duman itinugdok kan saimong banwaan an saindang harong; sa saimong karahayan pinakakan mo an mga daing sukat.

Salmo 68:9

O Dios, pinauran mo nin makosog asin pinauswag mo an saimong naalang na daga;

Salmo 86:11

Kagurangnan, itukdo mo sako an saimong dalan, tanganing maglakaw ako sa saimong katotoohan, bilog na pusong matakot sa saimong ngaran.

Salmo 94:12

Paladan an tawo na sinasagwe mo, Kagurangnan, an tinutukdoan mo kan saimong togon!

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Jeremias 42:3

Mamibi ka na ipahiling samo nin Kagurangnan na satong Dios an dalan na dapat nyamong lakawan asin kun ano an dapat nyamong gibohon.”

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Joel 2:23

“Maggayagaya kamo, banwaan nin Sion, mag-ogma kamo sa ginibo para saindo kan Kagurangnan na saimong Dios. Itinao niya saindo an tama sanang uran; pinahugpa niya para saindo an dakul na uran, an enot saka an huring uran arog kaidto.

Mikas 4:2

asin masarabi an saindang namamanwaan, “Magturukad kita sa bulod nin Kagurangnan, sa Templo kan Dios nin Israel. Tanganing matukdoan niya kita kan dapat tang gibohon asin maglakaw kita sa saiyang mga dalan. An katukdoan nin Kagurangnan naghahale sa Jerusalem; nagtataram siya sa saiyang banwaan hale sa Sion.”

Mateo 22:16

Kaya pinaduman ninda ki Jesus an saindang mga disipulo kaiba an nagkapirang tawohan ni Herodes. Nagsabi an mga ini, “Maestro, aram mi na bako kang putikon, talagang itinutukdo mo an kabotan nin Dios. Dai kang pinapalaen na tawo ta dai mo tinatawan nin halaga kun ano an katongdan ninda.

1 Samuel 12:23

Siring man dapit sako, irayo logod nin Kagurangnan na magkasala ako saiya huli sa pag-ontok sa pagpapamibi para saindo. Tutukdoan ko kamo kan marahay asin tamang paagi.