1 Mga Hade 8:21 - Marahay na Bareta Biblia

²¹ Nag-andam man ako nin sarong lugar sa Templo para sa Kaban na namumugtakan kan duwang tablang gapo kan tipan na ginibo nin Kagurangnan sa satong mga ginikanan kan iluwas niya sinda sa Egipto.”

1 Mga Hade 8:21 ပူးပေါင်းရင်းမြစ်များ

1 Mga Hade 8:9

Mayo nin ibang laog an Kaban kundi an duwang tablang gapo na ibinugtak duman ni Moises kan yaon siya sa Bukid nin Sinai, saen nakipagtipan an Kagurangnan sa banwaan nin Israel pakahale ninda sa Egipto.

1 Mga Cronica 22:19

Kaya maglingkod kamo sa Kagurangnan na saindong Dios sa bilog nindong puso asin kalag. Poonan na nindo an pagtugdok kan Templo, tanganing ikabugtak nindo diyan an Kaban nin Tipan nin Kagurangnan saka an banal na mga kagamitan para sa pagsamba saiya.”

Exodo 24:8

Kinua ni Moises an dugo sa mga palanggana dangan iwinirik sa mga tawo. Nagsabi siya, “Ini an dugo nin pakipagtipan nin Kagurangnan kan itao niya saindo an mga togon na ini.”

Exodo 34:28

Nagdanay si Moises sa kaibahan nin Kagurangnan sa laog nin kwarentang aldaw asin kwarentang banggi; dai siya nagkakan o nag-inom. Isinurat niya sa duwang tablang gapo an mga tataramon kan tipan—an Sampolong Togon.

Deuteronomio 31:26

“Kuahon nindo an librong ini nin katogonan asin ibugtak nindo sa kataed kan Kaban nin Tipan nin Kagurangnan na saindong Dios, tanganing danay na magsaksi laban sa saiyang banwaan.

Deuteronomio 9:11

Pakatapos kan kwarentang aldaw asin banggi, itinao sako nin Kagurangnan an duwang tablang gapo na sinuratan niya kan tipan.

Deuteronomio 9:9

Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.