1 Mga Hade 8:11 - Marahay na Bareta Biblia

¹¹ kaya an mga padi dai nakatagal sa paglingkod sa laog kan Templo. Napano an Templo kan kamurawayan nin Kagurangnan.

1 Mga Hade 8:11 ပူးပေါင်းရင်းမြစ်များ

1 Mga Hade 8:10

Mantang nagluluwas an mga padi sa banal na lugar, napano nin panganoron an Templo, an harong nin Kagurangnan,

1 Mga Hade 8:12

Dangan namibi si Solomon, “Kagurangnan, ika an nagbugtak kan aldaw sa kalangitan, alagad pinili mong mag-erok sa mahibog na kadikloman.

Salmo 90:16

An saimong mga gibo ipahiling mo sa saimong mga sorogoon; an saimong kapangyarihan ipahiling mo sa samong kapagarakian.

Exodo 29:43

Diyan ko tatagboon an banwaan nin Israel, asin magigin banal an lugar na iyan huli kan sakong kamurawayan.

Exodo 40:34

An Tabernakulo tinahoban kan panganoron asin napano iyan kan nakakasulang liwanag nin Kagurangnan.

Exodo 40:35

Huli kaini, dai nakalaog si Moises sa Tabernakulo.

Isaias 6:1

Kan taon na magadan si Hadeng Uzzias, nahiling ko an Kagurangnan. Nagtutukaw siya sa saiyang trono, halangkaw saka mamuraway, asin an bilog na Templo napapano kan saiyang gubing.

Ezekiel 10:4

An kamurawayan kan Kagurangnan nag-itaas hale sa mga kerubin dangan nagpasiring sa may palaog kan Templo. An Templo napano nin panganoron asin an patyo nagsilyab huli kan liwanag kan kamurawayan nin Kagurangnan.

Ezekiel 43:2

Dangan nahiling kong nagdadangadang hale sa sirangan an kamurawayan kan Dios nin Israel. An tingog nin Dios nakakaarog sa hagubohob kan dagat, asin an daga nagliwanag huli kan saiyang kamurawayan.

Ezekiel 44:4

Dangan ipinag-iba ako kan lalaki sa atubangan kan Templo; sa trangkahan sa amihan kami nag-agi. Kan magmasid ako, nahiling kong napano an Templo kan kamurawayan nin Kagurangnan. Nagdapa ako sa daga.

Levitico 9:23

Naglaog sa Tabernakulo si Moises saka si Aaron; pagluwas ninda, benendisyonan ninda an mga tawo. Nahiling kan mga tawo an kamurawayan nin Kagurangnan.

Levitico 9:6

Nagsabi si Moises sainda, “Iyo ini an ipinagboot nin Kagurangnan na gibohon nindo tanganing mahiling nindo an kamurawayan niya.”

Hageo 2:7

Tatanyogon ko an gabos na nasyon, tanganing madara digdi an saindang mga kayamanan asin mapano kaiyan an Templo.

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Mga Gibo 7:55

Alagad si Esteban, pano kan Espiritu Santo, nagtingkalag sa langit asin nahiling niya an kamurawayan nin Dios, sagkod si Jesus na nagtitindog sa too nin Dios.

Roma 9:4

Sinda an mga Israelita; ginibo niya sindang mga aki niya asin ipinahayag sainda an saiyang kamurawayan. Nakipagtipan siya sainda; itinao niya sainda an Katogonan. Yaon sainda an tunay na pagsamba; inako ninda an mga panuga nin Dios.

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

Kapahayagan 21:11

nagliliwanag sa kamurawayan nin Dios. Nagliliwanag an syudad siring sa mahalagang bato, arog sa haspeng malinaw siring sa kristal.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.