1 Mga Hade 8:1 - Marahay na Bareta Biblia

¹ Dangan tinipon ni Solomon sa Jerusalem an kamagurangan nin Israel, an mga pamayo kan mga tribu asin mga lider kan mga kamaganakan kan banwaan nin Israel tanganing kuahon sa Sion, an syudad ni David, an Kaban nin Tipan nin Kagurangnan, dangan darahon sa Templo.

1 Mga Hade 8:1 ပူးပေါင်းရင်းမြစ်များ

2 Samuel 6:6

Pag-abot ninda sa ginikan ni Nacon, napalupog an mga baka, kaya kinapotan ni Uzza an Kaban nin Tipan.

1 Mga Hade 2:10

Nagadan si David asin ilinubong sa Syudad ni David.

1 Mga Hade 3:15

Nagmata si Solomon asin naaraman niya na an Kagurangnan nagtaram saiya sa pangatorogan. Dangan nagduman siya sa Jerusalem asin nagtindog sa atubangan kan Kaban nin Tipan nin Kagurangnan; nagdolot siya duman nin mga tinutong na atang asin mga dolot para sa katoninongan. Pakatapos, nagbangkete siya para sa gabos niyang mga opisyal.

1 Mga Cronica 11:7

Duman na nag-erok si David sa bantayan, kaya inapod idtong “Syudad ni David.”

1 Mga Cronica 15:25

Kaya nagduman sa harong ni Obed-edom si David, an kamagurangan nin Israel asin an mga opisyal kan hukbo tanganing kuahon an Kaban nin Tipan; nagkaigwa sinda nin dakulang selebrasyon.

1 Mga Cronica 15:29

Mantang dinadara palaog sa syudad an Kaban nin Tipan, nagdungaw sa bintana si Mical na aking babae ni Saul, asin nahiling niya si Hadeng David na nagsasayaw saka naglulukso sa kaogmahan; nauyam si Mical ki Hadeng David.

1 Mga Cronica 15:3

Kaya tinipon ni David sa Jerusalem an bilog na Israel tanganing darahon an Kaban nin Tipan sa lugar na inandam niya para digdi.

1 Mga Cronica 28:1

Tiniripon ni David sa Jerusalem an mga opisyal nin Israel, an mga opisyal kan mga tribu, an mga pamayo kan mga grupong naglilingkod sa hade, an mga opisyal nin mga rinibo saka mga ginatos, an mga administrador kan gabos na rogaring saka mga hayop kan hade saka kan saiyang mga aking lalaki, dangan an gabos na opisyal, an makokosog na mga lalaki asin an mga bantog na paralaban.

2 Mga Cronica 30:1

Dai nakapagselebrar kan Paskwa an mga tawo sa tamang panahon sa enot na bulan, huli ta kulang an mga padi na nakapaglinig kan sadiri saka kulang an mga tawong nagtiripon sa Jerusalem. Kaya si Hadeng Ezekias, an saiyang mga opisyal asin an banwaan nin Jerusalem nagkaoroyon na selebraron an Paskwa sa ikaduwang bulan. Nagpasugo an hade sa gabos na banwaan nin Israel saka Juda. Nagpadara man siya nin mga surat para sa mga tribu nin Efraim saka Manases tanganing alokon sinda na magduman sa Templo sa Jerusalem sa pagselebrar kan Paskwa sa pag-omaw sa Kagurangnan, an Dios nin Israel.

Esdras 3:1

Kan ikapitong bulan, an mga Israelita napamugtak na sa saindang mga banwa. Dangan nagtiripon sinda gabos sa Jerusalem.

Salmo 102:21

Dangan irurukyaw sa Sion an ngaran nin Kagurangnan, asin sa Jerusalem an saiyang kaomawan,

Salmo 9:11

Mag-awit kamo nin pag-omaw sa Kagurangnan, na naghahade sa Sion! An mga ginibo niya ibareta nindo sa lambang nasyon!

Isaias 28:16

Iyo ini ngunyan an sinasabi nin Kagurangnan Dios: “Mabugtak ako sa Sion nin sarong pundasyon na pusog saka makosog. Diyan ko ibubugtak an gapong patugmadan na nasusuratan kan mga tataramon, ‘An pagtubod na pusog matinios man.’

Isaias 46:13

Irinarani ko an aldaw nin kapangganahan— bako na harayo iyan. Dai na mahahaloy an sakong kapangganahan. Ililigtas ko an Jerusalem asin an Israel dadarahan ko duman nin kamurawayan.”

Mga Bilang 1:4

Magpatabang kamo sa sarong pamayo nin kamaganakan hale sa lambang tribu.”

Josue 23:2

kaya inapod niya an bilog na Israel, an kamagurangan, an mga lider, an mga hukom asin an mga opisyal kan banwaan. Tinaraman sinda ni Josue, “Gurang na akong marahay.

Josue 24:1

Tinipon ni Josue sa Shekem an gabos na tribu kan Israel. Inapod niya an kamagurangan, an mga lider, an mga hukom, sagkod an mga opisyal kan Israel, dangan nag-atubang sinda sa Dios.

1 Pedro 2:6

Huli ta nasasabi sa kasuratan, “Pinili ko an sarong mahalagang gapo na ibinubugtak ko ngunyan sa Sion bilang gapong patugmadan; an siisay man na minatubod saiya dai nanggad mapapasopog.”