1 Mga Hade 7:7 - Marahay na Bareta Biblia

⁷ Ipinagibo man niya an Sala kan Trono na inapod man Sala nin Paghukom; digdi naghuhukom si Solomon. An Sala nalalanoban nin saradit na tablang sedro, magpoon sa salog sagkod sa mga gunting.

1 Mga Hade 7:7 ပူးပေါင်းရင်းမြစ်များ

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Hade 3:9

Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

1 Mga Hade 6:3

An balkon igwa nin sukol na apat na metros may kabanga an laba asin siyam na metros an lakbang, siring kan lakbang kan mismong santwaryo.

Salmo 122:5

Duman ibinugtak an mga trono sa paghukom, an mga trono kan mga hade nin Israel.

Mga Talinhaga 20:8

Kun an hade magtukaw sa paghukom, mayo nin karatan na makakalampas sa saiyang panhiling.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.