1 Mga Hade 7:50 - Marahay na Bareta Biblia

⁵⁰ an mga kalis, an mga pamalsok kan ilaw, an mga mangko, an mga plato para sa insenso, asin an mga bugtakan nin baga; an mga bisagra kan mga pinto kan Kabanal-banaleng Lugar asin kan panluwas na mga pinto kan Templo. An gabos na kagamitan na ini gibo sa purong bulawan.

1 Mga Hade 7:50 ပူးပေါင်းရင်းမြစ်များ

2 Mga Hade 12:13

Alagad an kwartang ini dai ninda ibinabayad sa paggibo kan mga palangganang plata, pamalsok nin ilaw, mangko, trompeta o ano man na kasangkapan na bulawan o plata.

2 Mga Hade 25:15

Kinua man ninda an lambang kagamitan na gibo sa bulawan saka sa plata, sagkod an saradit na mangko saka an mga bugtakan nin baga.

Exodo 25:29

Gumibo kamo nin mga plato para sa insenso. Gumibo man kamo nin kalis, dulay saka mangko para sa dolot na arak. Iyan gabos gibohon nindo sa purong bulawan.

Exodo 25:38

Gibohon nindo sa purong bulawan an pansipit sa mitsa asin an mga bandehado.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.

Jeremias 52:19

Kinua ninda an lambang kagamitan na gibo sa bulawan saka sa plata; sagkod an saradit na mangko, an mga bugtakan nin baga, an mga palanggana, an mga lalagan kan abo, an mga kandelero, an mga mangko para sa insenso, saka an mga mangko para sa dolot na arak.

Ezekiel 41:4

Sinukol niya an kwarto: dyes metros kwadrado ini. Dangan sinabihan niya ako, “An pinakalaog na kwartong ini iyo an Kabanal-banaleng Lugar.”

Levitico 16:12

Makua siya nin insensaryo na pano nin baga na hale sa altar saka duwang gugom nin pinong insenso. Dadarahon niya ini duman sa Kabanal-banaleng Lugar

Zacarias 14:20

Sa panahon na iyan, maski an mga kampanilya na nakagakod sa mga kabayo magkakaigwa kan mga tataramon na “Idinusay sa Kagurangnan.” An mga kagamitan sa pagluto sa Templo magigin sagrado man siring kan mga mangko sa atubangan kan altar.