1 Mga Hade 7:48 - Marahay na Bareta Biblia

⁴⁸ Nagpagibo man si Solomon nin mga bulawan na kagamitan para sa Templo: an altar, an lamesa para sa tinapay na dolot sa Dios.

1 Mga Hade 7:48 ပူးပေါင်းရင်းမြစ်များ

2 Mga Hade 12:13

Alagad an kwartang ini dai ninda ibinabayad sa paggibo kan mga palangganang plata, pamalsok nin ilaw, mangko, trompeta o ano man na kasangkapan na bulawan o plata.

2 Mga Hade 24:13

asin dinara sa Babilonia an gabos na kayamanan sa Templo saka sa palasyo. Siring kan ipinahayag kaidto nin Kagurangnan, pinarasa ni Nebukadnezzar an bulawan na mga kagamitan sa Templo na ipinagibo ni Hadeng Solomon.

2 Mga Hade 25:15

Kinua man ninda an lambang kagamitan na gibo sa bulawan saka sa plata, sagkod an saradit na mangko saka an mga bugtakan nin baga.

2 Mga Cronica 4:19

Nagpagibo man si Solomon nin bulawan na mga kagamitan para sa Templo: an altar, an mga lamesa para sa mga tinapay na dolot sa Dios;

2 Mga Cronica 4:8

Nagpagibo pa siya nin sampolong lamesa na ipinabugtak man niya sa Templo, lima sa parteng habagat asin lima sa parteng amihan. Dangan nagpagibo siya nin sanggatos na bulawan na mangko.

An Libro ni Job 28:1

“Sa katunayan igwa nin mina nin plata, asin nin lugar saen linilinigan an bulawan.

Exodo 39:36

an lamesa kaiba an mga kagamitan kaini, asin an tinapay na dolot sa Dios;

Exodo 39:38

an bulawan na altar; an panlahid na lana; an mahamot na insenso; an kurtinang panlipod sa pintoan kan Tabernakulo;

Exodo 40:26

Ilinaog niya sa Tabernakulo an bulawan na altar sa atubang kan panlipod na kurtina

Ezekiel 40:39

Sa dakulang kwartong ini igwa nin apat na lamesa, duwa sa mag-ibong na gilid. Sa mga lamesang ini binubuno an mga hayop na idodolot bilang mga sakripisyo, na bilog na tututongon o na idodolot para sa kasalan o bilang kabayadan.

Ezekiel 40:42

Igwa man nin apat na lamesa sa laog kan edipisyo. Ginagamit ini sa pag-andam kan mga atang na tututongon na bilog. An mga lamesang ini gabos tinabas na gapo, na an lambang saro may langkaw na singkwenta sentimetros asin an ibabaw kaini setenta y singko sentimetros kwadrado. Sa mga lamesang ini ibinubugtak an gabos na kagamitan sa pagbuno kan mga hayop na iaatang.

Ezekiel 41:22

altar na kahoy. Saro may kabangang metro an langkaw kaini asin sarong metro an lakbang. Kahoy an mga bitis kan altar, siring man an patugmadan saka an mga gilid. Nagtaram sako an lalaki, “Iyo ini an lamesa na nasa atubangan nin Kagurangnan.”

Ezekiel 44:16

Sinda sana an makakalaog sa Templo, malingkod sa sakong altar asin mamamahala sa pagsamba na gigibohon sa Templo.

Malakias 1:12

Alagad dai nindo ako inoomaw kun minasabi kamo na mayong halaga an sakong altar asin kun minadolot kamo diyan nin kakanon na bakong maninigo.

Mateo 12:4

Naglaog siya sa Templo dangan nagkakan siya asin an saiyang mga kairiba kan tinapay na idinolot sa Dios, na ipinapangalad na kakanon kan bakong padi.

1 Corinto 10:21

Dai kamo pwedeng mag-inom sa kalis nin Kagurangnan asin sa kalis kan mga demonyo; dai man kamo pwedeng magkakan sa lamesa nin Kagurangnan asin sa lamesa kan mga demonyo.