1 Mga Hade 7:40 - Marahay na Bareta Biblia

^40-45 Naggibo man si Huram nin mga kaldero, pala asin mga mangko. Tinapos niya an gabos na ipinagibo saiya ni Hadeng Solomon para sa Templo nin Kagurangnan: An duwang harigi An duwang kapitel na pormang mangko sa ibabaw kan mga harigi An sinalapid na mga kadena para sa mga kapitel An kwatro syentos na granadang pansamno, duwang raya nin granada para sa sarong kadenang nasa lambang kapitel An sampolong kariton An sampolong palanggana An tangke An doseng baka na natutumbawan kan tangke An mga kaldero, pala, asin mangko An mga kagamitan na ini para sa Templo, na ipinagibo ni Hadeng Solomon ki Huram gabos gibo sa makintab na bronse.

1 Mga Hade 7:40 ပူးပေါင်းရင်းမြစ်များ

1 Mga Hade 7:28

Siring kaini an pagkagibo kan mga kariton: igwa ini nin mga lanob, asin an mga lanob nakakana sa mga kwadro.

1 Mga Hade 7:39

Ibinugtak niya an limang kariton sa parteng habagat kan Templo, asin an lima sa parteng amihan; an tangke ibinugtak niya sa kanto sa habagat-sirangan.

1 Mga Cronica 18:8

Nagkua man siya nin dakul na bronse hale sa Tibhat asin sa Kun, mga syudad na sakop ni Hadadezer. (An mga bronseng ini iyo an ginamit ni Solomon sa paggibo kan tangke, kan mga harigi, asin kan mga kagamitan sa Templo.)

2 Mga Cronica 4:6

Nagpagibo man siya nin sampolong palangganang hanawan. An lima kaini ibinugtak niya sa parteng habagat kan Templo, an lima sa parteng amihan. Gagamiton an mga ini sa pagbalnaw kan mga kabtang kan mga hayop na tinutong bilang sakripisyo, mantang an tubig sa laog kan tangke iyo an gagamiton sa paghanaw kan mga padi.

2 Mga Cronica 4:8

Nagpagibo pa siya nin sampolong lamesa na ipinabugtak man niya sa Templo, lima sa parteng habagat asin lima sa parteng amihan. Dangan nagpagibo siya nin sanggatos na bulawan na mangko.

Exodo 24:6

Kinua ni Moises an kabanga kan dugo kan ginadan na mga hayop asin ibinugtak sa mga palanggana; an kabanga inula niya sa altar.

Exodo 27:3

Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse.