1 Mga Hade 7:38 - Marahay na Bareta Biblia

³⁸ Naggibo man si Huram nin sampolong palanggana, saro para sa lambang kariton. An ngabil kan lambang saro may hiwas na sarong metro may otsenta sentimetros, asin nalalaogan nin otso syentos na litro nin tubig.

1 Mga Hade 7:38 ပူးပေါင်းရင်းမြစ်များ

1 Mga Hade 7:27

Naggibo man si Huram nin sampolong bronseng kariton; sarong metro may otsenta sentimetros an laba kan lambang saro, sarong metro may otsenta sentimetros an lakbang, asin sarong metro may treynta sentimetros an langkaw.

1 Mga Hade 7:39

Ibinugtak niya an limang kariton sa parteng habagat kan Templo, asin an lima sa parteng amihan; an tangke ibinugtak niya sa kanto sa habagat-sirangan.

Exodo 30:28

an altar na tututongan kan mga dolot kaiba an mga kasangkapan kaiyan asin an palangganang hanawan patin an tumbawan kaiyan.

Exodo 38:8

Ginibo niya an bronseng palanggana asin an bronseng tumbawan hale sa mga salming kan mga babaeng naglilingkod sa pintoan kan Tabernakulo.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Hebreyo 10:22

Kaya magdolok kita sa Dios nin tudok sa puso asin may masarig na pagtubod. Dumolok kita saiya na may malinig na konsyensya huli ta lininig na an satong mga puso saka nahugasan na nin malinig na tubig an satong mga hawak.

Hebreyo 9:10

An gibo nindang iyan manonongod sana sa kakanon, inomon, saka manlaen-laen na rito nin paglinig, na gabos sana para sa hawak asin mahalaga sana sagkod na dai pa ibinubugtak nin Dios an sarong bagong sistema.

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.