1 Mga Hade 7:36 - Marahay na Bareta Biblia

³⁶ An mga ini sinamnohan nin mga kerubin, leon, asin mga kahoy na palma; sa mga parteng mayo nin samno, duman inukit an kinadenang mga burak.

1 Mga Hade 7:36 ပူးပေါင်းရင်းမြစ်များ

1 Mga Hade 6:29

An mga lanob kan pangenot na kwarto asin kan pinakatagong kwarto gabos igwa nin samnong inukit na mga kerubin, mga kahoy na palma, asin mga bukad na burak.

1 Mga Hade 6:32

An mga pinto igwa nin samnong inukit na mga kerubin, mga kahoy na palma, asin mga bukad na burak. Patos nin bulawan an mga pinto, an mga kerubin, asin an mga kahoy na palma.

1 Mga Hade 6:35

An mga pinto sinamnohan nin mga inukit na mga kerubin, mga kahoy na palma, asin mga bukad na burak. An gabos na ini napapatos nin bulawan.

1 Mga Hade 7:29

An mga lanob na nakakana sa mga kwadro igwang nakaukit na mga leon, mga torong baka asin mga kerubin; sa mga kwadro sa parteng itaas asin sa ibaba kan mga leon saka mga torong baka, nakaukit an kinadenang mga burak.

1 Mga Hade 7:35

An ibabaw kan lambang kariton napapalibotan nin pangpakosog na beynte y dos sentimetros an langkaw. An mga tukod asin an mga lanob saro sanang pedaso saka an kariton.

1 Mga Hade 7:37

Siring kaiyan an pakagibo kan mga kariton; parareho an pakagibo kaiyan, huli ta saro sana an sukol asin porma.

Ezekiel 10:14

An lambang kerubin igwa nin apat na lalawogon: an enot lalawogon nin torong baka, an ikaduwa lalawogon nin tawo, an ikatolo lalawogon nin leon, asin an ikaapat lalawogon nin agila.

Ezekiel 40:31

An dakulang kwarto nakaatubang sa sarong patyo, asin igwa nin inukit na mga kahoy na palma sa mga lanob kan agihan. Igwa digdi nin walong tanggang minapaitaas pasiring sa trangkahan na ini.

Ezekiel 40:37

An dakulang kwarto nakaatubang sa patyong nasa luwas, asin igwa nin inukit na mga kahoy na palma sa mga lanob kan agihan. Igwa digdi nin walong tanggang minapaitaas pasiring sa trangkahan na ini.