1 Mga Hade 7:30 - Marahay na Bareta Biblia

³⁰ An lambang kariton igwa nin apat na bronseng rweda asin bronseng ehe. Sa apat na kanto kan kariton igwa nin apat na bronseng tukod para sa palanggana; an mga tukod igwa nin nakaukit na kinadenang mga burak.

1 Mga Hade 7:30 ပူးပေါင်းရင်းမြစ်များ

1 Mga Hade 7:29

An mga lanob na nakakana sa mga kwadro igwang nakaukit na mga leon, mga torong baka asin mga kerubin; sa mga kwadro sa parteng itaas asin sa ibaba kan mga leon saka mga torong baka, nakaukit an kinadenang mga burak.

1 Mga Hade 7:31

Sa ibabaw kan mga tukod igwa nin pabilog na tumbawan para sa sarong palanggana. Magpoon sa ibabaw kan kariton, an tumbawan igwa nin sukol na kwarenta y singko sentimetros paitaas asin dyes y otso sentimetros paibaba. May mga dibuhong nakaukit sa tumbawan. Kwadrado an lanob kan mga kariton.

1 Mga Hade 7:34

Igwa nin apat na tukod sa irarom kan mga kanto kan lambang kariton; an mga tukod saro sanang pedaso saka an kariton.

Ezekiel 10:9

Nahiling ko man na igwa nin apat na rwedang gabos magkapareho an porma; an sarong rweda kataed nin sarong kerubin. An mga rweda nagkikintab siring sa mahalagang mga bato, asin an pakagibo kaiyan garo sarong rweda sa laog nin sarong rweda.

Ezekiel 3:13

Nadangog ko an ribok kan mga pakpak kan mga buhay na linalang mantang naglalayog an mga ini, asin an ribok kan mga rweda na arog kakosog kan ribok nin sarong makosog na linog.