1 Mga Hade 7:29 - Marahay na Bareta Biblia

²⁹ An mga lanob na nakakana sa mga kwadro igwang nakaukit na mga leon, mga torong baka asin mga kerubin; sa mga kwadro sa parteng itaas asin sa ibaba kan mga leon saka mga torong baka, nakaukit an kinadenang mga burak.

1 Mga Hade 7:29 ပူးပေါင်းရင်းမြစ်များ

Genesis 3:24

Dangan nagbugtak an Kagurangnan Dios nin mga kerubin sa sirangan na parte kan tatamnan asin nin sarong naglalaad na espada na nagbibirik sa gabos na direksyon tanganing magbantay kan dalan pasiring sa kahoy nin buhay.

1 Mga Hade 6:27

Magkataed na ibinugtak sa Kabanal-banaleng Lugar an mga kerubin. Nakaunat an saindang mga pakpak kaya an sarong pakpak kan sarong kerubin nakaduta sa sarong ibong na lanob mantang an sarong pakpak kan saro pang kerubin nakaduta man sa sarong ibong na lanob; an saindang mga pakpak na dai nakaduta sa mga lanob nagdudutaan sa tahaw kan kwarto.

1 Mga Hade 7:25

An tangke nakatumbaw sa likod nin doseng bronseng baka na an tolo nakaatubang sa amihan; an tolo sa solnopan, an tolo sa habagat, asin an tolo sa sirangan; nagtataralikodan an gabos na baka.

1 Mga Hade 7:28

Siring kaini an pagkagibo kan mga kariton: igwa ini nin mga lanob, asin an mga lanob nakakana sa mga kwadro.

1 Mga Hade 7:30

An lambang kariton igwa nin apat na bronseng rweda asin bronseng ehe. Sa apat na kanto kan kariton igwa nin apat na bronseng tukod para sa palanggana; an mga tukod igwa nin nakaukit na kinadenang mga burak.

Exodo 25:18

Gumibo man kamo nin duwang kerubin sa pinulpog na bulawan,

Exodo 37:7

Ginibo niya an duwang kerubin sa pinulpog na bulawan,

Ezekiel 1:10

An lambang linalang igwa nin apat na manlaen-laen na lalawogon: lalawogon nin tawo sa atubangan, lalawogon nin leon sa too, lalawogon nin torong baka sa wala, asin lalawogon nin agila sa likod.

Ezekiel 10:14

An lambang kerubin igwa nin apat na lalawogon: an enot lalawogon nin torong baka, an ikaduwa lalawogon nin tawo, an ikatolo lalawogon nin leon, asin an ikaapat lalawogon nin agila.

Oseas 5:14

Arog sa leon, sasalakayon ko an mga taga Israel asin mga taga Juda. Ako mismo an maronot sainda dangan babayaan ko sinda. Kun darahon ko na sinda sa harayo, mayo nin siisay man na maligtas sainda.

Hebreyo 9:5

Sa ibabaw kan kaban iyo an mga kerubin, na nagpapamidbid na yaon duman an Dios. Unat an mga pakpak ninda na nakatahob sa takop. Alagad bako ngunyan an panahon sa pagpaliwanag kan mga bagay na ini.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

Kapahayagan 5:5

Dangan saro kan mga kamagurangan an nagsabi sako, “Dai ka maghibi. Hilinga, nanggana an Leon kan tribu nin Juda, an Gamot ni David, kaya siya an makakatangkas kan pitong selyo asin makakabukas kan libro.”