1 Mga Hade 7:26 - Marahay na Bareta Biblia

²⁶ Setenta y singko milimetros an hibog kan tangke; an porma kan ngabil kaini arog sa ngabil nin sarong kalis, siring sa bukad na burak nin liryo. An tangke pwedeng malaogan nin kwarenta mil na litrong tubig.

1 Mga Hade 7:26 ပူးပေါင်းရင်းမြစ်များ

1 Mga Hade 6:18

An lanob na mga tablang sedro igwa nin mga dibuhong mga melon saka mga bukad na burak; an bilog na laog napapatos nin tablang sedro, kaya dai nanggad nahihiling an mga gapo kan lanob.

1 Mga Hade 6:32

An mga pinto igwa nin samnong inukit na mga kerubin, mga kahoy na palma, asin mga bukad na burak. Patos nin bulawan an mga pinto, an mga kerubin, asin an mga kahoy na palma.

1 Mga Hade 6:35

An mga pinto sinamnohan nin mga inukit na mga kerubin, mga kahoy na palma, asin mga bukad na burak. An gabos na ini napapatos nin bulawan.

1 Mga Hade 7:19

An mga kapitel ginibo siring sa mga burak na liryo na sarong metro otsenta sentimetros an langkaw,

1 Mga Hade 7:25

An tangke nakatumbaw sa likod nin doseng bronseng baka na an tolo nakaatubang sa amihan; an tolo sa solnopan, an tolo sa habagat, asin an tolo sa sirangan; nagtataralikodan an gabos na baka.

1 Mga Hade 7:27

Naggibo man si Huram nin sampolong bronseng kariton; sarong metro may otsenta sentimetros an laba kan lambang saro, sarong metro may otsenta sentimetros an lakbang, asin sarong metro may treynta sentimetros an langkaw.

1 Mga Hade 7:38

Naggibo man si Huram nin sampolong palanggana, saro para sa lambang kariton. An ngabil kan lambang saro may hiwas na sarong metro may otsenta sentimetros, asin nalalaogan nin otso syentos na litro nin tubig.

2 Mga Cronica 4:5

Setenta y singko milimetros an hibog kan tangke; an porma kan ngabil kaini arog sa ngabil nin sarong kalis, siring sa bukad na burak nin liryo. An tangke pwedeng malaogan nin sesenta mil na litrong tubig.

Exodo 25:25

An palibot kaiyan bugtakan nindo nin sanipa na pito may kabangang sentimetros an lakbang asin palibotan nindo nin moldurang bulawan.

Jeremias 52:21

Magkapareho an duwang harigi: an lambang saro igwa nin langkaw na otso metros saka singko metros may treynta sentimetros an palibot. Dai ini nin laog sa tahaw, asin setenta y singko milimetros an hibog kan metal. Sa ibabaw kan lambang harigi igwa nin bronseng kapitel na duwang metros may beynte sentimetros an langkaw. Nakasabod sa lambang kapitel an sarong bronseng sinalapid na kadena na sinamnohan nin bronseng mga granada.

Ezekiel 45:11

“An takadan na efa asin an takadan na bat kaipuhan pareho an sukol, na dapat katimbang kan ikasampolong parte kan homer. An homer iyo an basihan na sukol.

Ezekiel 45:14

sa sarong kor nin lana nin oliba, sarong ikasampolong kabtang nin sarong bat (an sarong kor, arog kan homer sa timbang nin sampolong takadan nin bat).