1 Mga Hade 7:15 - Marahay na Bareta Biblia

¹⁵ Naggibo si Huram nin duwang bronseng harigi. An lambang saro kaini walong metros an langkaw asin limang metros may treynta sentimetros an pabilog na sukol. Ibinugtak niya an mga ini sa laogan kan Templo.

1 Mga Hade 7:15 ပူးပေါင်းရင်းမြစ်များ

1 Mga Hade 7:16

Naggibo man siya nin duwang bronseng kapitel na duwang metros may beynte sentimetros an langkaw kan lambang saro, tanganing ibugtak sa poro kan mga harigi.

1 Mga Hade 7:21

Ibinugtak ni Huram an duwang bronseng harigi sa atubangan kan laogan kan Templo: an nasa habagat nginaranan niyang Jakin asin an nasa amihan nginaranan niyang Boaz.

2 Mga Hade 25:13

Rinonot kan mga taga Babilonia an mga bronseng harigi, an mga kariton sa Templo asin an dakulang bronseng tangke, dangan dinara ninda sa Babilon an bronse.

1 Mga Cronica 18:8

Nagkua man siya nin dakul na bronse hale sa Tibhat asin sa Kun, mga syudad na sakop ni Hadadezer. (An mga bronseng ini iyo an ginamit ni Solomon sa paggibo kan tangke, kan mga harigi, asin kan mga kagamitan sa Templo.)

Jeremias 27:19

Kan darahon ni Hadeng Nebukadnezzar sa Babilonia an hade nin Juda, si Jehoiakin na aking lalaki ni Jehoiakim, asin an mga ginagalangan na lalaki sa Juda saka sa Jerusalem, iwinalat niya an mga harigi, an bronseng tangke, an mga kariton, patin an nagkapira sa iba pang mga kayamanan kan Templo.)

Jeremias 52:13

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Jeremias 52:17

Rinonot kan mga taga Babilonia an mga bronseng harigi, an mga kariton sa Templo, asin an dakulang bronseng tangke, dangan dinara ninda sa Babilon an gabos na bronse.

Jeremias 52:21

Magkapareho an duwang harigi: an lambang saro igwa nin langkaw na otso metros saka singko metros may treynta sentimetros an palibot. Dai ini nin laog sa tahaw, asin setenta y singko milimetros an hibog kan metal. Sa ibabaw kan lambang harigi igwa nin bronseng kapitel na duwang metros may beynte sentimetros an langkaw. Nakasabod sa lambang kapitel an sarong bronseng sinalapid na kadena na sinamnohan nin bronseng mga granada.

Ezekiel 40:49

Igwa nin mga tangga na minapaitaas pasiring sa agihan, na sampolong metros an lakbang asin anom na metros an rarom. Igwa nin duwang harigi na namumugtak sa mag-ibong na gilid kan laogan.