1 Mga Hade 6:5 - Marahay na Bareta Biblia

⁵ Nakadukot ini sa mga gilid saka sa likod kan Templo, asin an lambang eskalon duwang metros may beynte sentimetros an langkaw.

1 Mga Hade 6:5 ပူးပေါင်းရင်းမြစ်များ

1 Mga Hade 6:16

Sa pinakahuring parte kan Templo, igwa nin ginibong sarong kwarto na nasa laog nin marahay, na inapod Kabanal-banaleng Lugar. An kwartong ini siyam na metros an laba na nalalanoban nin mga mahimpis na tablang sedro magpoon sa salog sagkod sa kisame.

1 Mga Hade 6:31

Duwang pinto na gibo sa kahoy na oliba an ibinugtak sa laogan kan Kabanal-banaleng Lugar; an itaas kan pintoan sarong mapanas na arko.

1 Mga Hade 6:6

Duwang metros asin beynte sentimetros man an lakbang kan lambang kwarto sa enot na eskalon, duwang metros asin setenta sentimetros an lakbang sa ikaduwang eskalon, tolong metros asin sampolong sentimetros sa ikatolo. An lanob sa lambang eskalon mas mahimpis ki sa lanob sa ibabang eskalon tanganing mapamugtak sa lanob an mga kwarto na dai na kaipuhan pang isurok an mga darakulang kahabaan na kahoy kaini sa lanob.

1 Mga Cronica 23:28

An katongdan ninda iyo an pagtabang sa mga aking lalaki ni Aaron sa paglingkod kan mga ini sa Templo, an pag-ataman kan mga patyo asin kan mga kwarto, an paglinig kan banal na mga kagamitan, saka an paggibo kan anoman na trabaho sa Templo.

1 Mga Cronica 28:11

Itinao ni David ki Solomon an plano kan balkon kan Templo, kan manlaen-laen na edipisyo kaini, an plano kan mga kwartong sarayan kan kayamanan asin kan iba pang mga kwarto, saka an plano kan Kabanal-banaleng lugar saen pinapatawad an mga kasalan.

1 Mga Cronica 9:26

Gabos mga Levita an apat na pamayong mga bantay, asin sinda an namahala kan mga kwarto kan Templo asin kan mga kayamanan duman.

2 Mga Cronica 31:11

Dangan sa pagboot kan hade, inandam ninda an mga kwartong sarayan sa Templo.

2 Mga Cronica 4:20

an mga kandelero asin an mga ilawan na gibo sa purong bulawan na maglalaad sa atubangan kan Kabanal-banaleng Lugar, sosog sa plano;

2 Mga Cronica 5:7

An Kaban nin Tipan nin Kagurangnan ilinaog kan mga padi sa pinakalaog na santwaryo kan Templo, sa Kabanal-banaleng Lugar, sa irarom kan mga pakpak kan mga kerubin.

2 Mga Cronica 5:9

Haralaba an mga pasanan, kaya an mga poro kaini nahihiling sa Banal na Lugar, sa atubangan kan Kabanal-banaleng Lugar; alagad an mga ini dai pwedeng mahiling sa luwas. (Yaon pa ini duman sagkod ngunyan.)

Nehemias 10:37

Dadarahon mi sa mga padi sa Templo an tinagba kan enot na trigo na samuyang inani, kan samuyang arak, lana nin oliba asin kan gabos na bunga nin kahoy. An himoloan kan samuyang mga tinanom itatao nyamo sa mga Levita, na iyo an nagkokolekta kaiyan sa samong mga banwa.

Nehemias 12:44

Kan aldaw na idto, may mga lalaki na ibinugtak na namamahala kan mga kwartong sarayan kan mga kontribusyon, mga tinagba asin mga himoloan sa taon-taon. Sinda an nag-ako kan mga kahirasan hale sa mga oma na harani sa manlaen-laen na syudad para sa mga padi saka mga Levita, sosog sa hinahagad kan Katogonan. Nawilihan kan bilog na banwaan nin Juda an mga padi saka mga Levita,

Salmo 28:2

Dangoga an tingog nin sakong pakimaherak, kun nag-aapod ako saimo sa paghagad nin tabang, kun iniitaas ko an sakong mga kamot sa banal mong erokan.

Exodo 25:22

Diyan taka tatagboon sa ibabaw kan takop, sa tahaw kan duwang kerubin; diyan ko itataram saimo an sakong mga togon para sa banwaan nin Israel.

Awit nin mga Awit 1:4

Ibahan ako, asin madulag kita; ika an sakong magigin hade asin daraha ako sa saimong kwarto. Magigin maogma kitang duwa, mainom nin dakul, asin mag-oogma sa satong pagkamoot. Kaya bakong makangangalas na namomotan ka kan gabos na babae!

Jeremias 35:2

“Magduman ka sa mga kaayon kan kamaganakan ni Recab, asin kaolayon mo sinda. Dangan darahon mo sinda sa saro sa mga kwarto sa Templo saka dolotan mo sinda nin arak.”

Jeremias 35:4

dangan dinara ko sinda sa Templo. Ipinag-iba ko sinda sa kwarto kan mga disipulo ni Hanan na aking lalaki ni Igdalias. An kwartong ini nasa itaas kan kwarto ni Maaseias na aking lalaki ni Sallum, na sarong halangkaw na opisyal sa Templo, asin harani sa mga kwarto kan ibang mga opisyal.

Ezekiel 40:17

Ipinag-iba ako kan lalaki sa patyong nasa luwas. Igwa duman nin treyntang kwarto na an mga likod nakadukot sa kudal na nasa luwas, asin sa atubangan kan mga ini igwa nin sarong palitadang gapo,

Ezekiel 40:44

Dangan ipinag-iba ako kan lalaki sa patyong nasa laog. Igwa digdi nin duwang kwarto: an saro atubang sa habagat, kataed kan trangkahan sa amihan, asin an saro atubang sa amihan, kataed kan trangkahan sa habagat.

Ezekiel 41:4

Sinukol niya an kwarto: dyes metros kwadrado ini. Dangan sinabihan niya ako, “An pinakalaog na kwartong ini iyo an Kabanal-banaleng Lugar.”

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Mga Bilang 7:89

Kan maglaog si Moises sa Tabernakulo tanganing makipag-olay sa Kagurangnan, nadangog niya an Kagurangnan na nagtataram saiya hale sa ibabaw kan takop kan Kaban nin Tipan, sa tahaw kan duwang kerubin na nasa ibabaw kan Kaban nin Tipan.