1 Mga Hade 6:31 - Marahay na Bareta Biblia

³¹ Duwang pinto na gibo sa kahoy na oliba an ibinugtak sa laogan kan Kabanal-banaleng Lugar; an itaas kan pintoan sarong mapanas na arko.

1 Mga Hade 6:31 ပူးပေါင်းရင်းမြစ်များ

1 Mga Hade 6:23

Duwang kerubin na ginibo hale sa kahoy na oliba an ibinugtak sa Kabanal-banaleng Lugar; apat na metros asin kwarenta sentimetros an langkaw kan lambang saro.

1 Mga Hade 6:30

An salog kan mga kwartong ini patos nin bulawan.

1 Mga Hade 6:32

An mga pinto igwa nin samnong inukit na mga kerubin, mga kahoy na palma, asin mga bukad na burak. Patos nin bulawan an mga pinto, an mga kerubin, asin an mga kahoy na palma.

2 Mga Cronica 4:22

an mga pamalsok kan ilaw, an mga mangko, an mga plato para sa insenso, asin an mga bugtakan nin baga. Gabos ini gibo sa purong bulawan. An mga pinto sa luwas kan Templo asin an mga pinto pasiring sa Kabanal-banaleng Lugar pinatos sa bulawan.

Exodo 12:7

Makua sinda kan dugo dangan ilalahid ninda iyan sa mga hamba asin sa itaas kan mga pinto kan mga harong na kakakanan ninda kan mga hayop.

Ezekiel 41:23

Sa poro kan agihan pasiring sa Banal na Lugar, igwa nin pintoan; siring man sa poro kan agihan pasiring sa Kabanal-banaleng Lugar.

Juan 10:9

Ako an pintoan; an siisay man na minalaog na minaagi sako, makakaligtas; malaog siya saka maluwas asin makakakua siya nin sabsabon.

Juan 14:6

Sinimbag siya ni Jesus, “Ako an dalan, an katotoohan asin an buhay; dai nin makakaduman sa Ama, kun bakong huli sako.

Efeso 3:18

tanganing kaiba an gabos na banal, mamidbid nindo an kahiwasan, kahalabaan, kahalangkawan asin kahararoman kan pagkamoot ni Cristo.