1 Mga Hade 6:23 - Marahay na Bareta Biblia

²³ Duwang kerubin na ginibo hale sa kahoy na oliba an ibinugtak sa Kabanal-banaleng Lugar; apat na metros asin kwarenta sentimetros an langkaw kan lambang saro.

1 Mga Hade 6:23 ပူးပေါင်းရင်းမြစ်များ

Genesis 3:24

Dangan nagbugtak an Kagurangnan Dios nin mga kerubin sa sirangan na parte kan tatamnan asin nin sarong naglalaad na espada na nagbibirik sa gabos na direksyon tanganing magbantay kan dalan pasiring sa kahoy nin buhay.

1 Mga Hade 6:24

Pareho an sukol asin porma kan duwang kerubin. An lambang saro igwa nin duwang pakpak; an lambang pakpak duwang metros asin beynte sentimetros an laba, kaya apat na metros asin kwarenta sentimetros an sukol kan mga pakpak hale sa mag-ibong na poro.

1 Mga Hade 6:31

Duwang pinto na gibo sa kahoy na oliba an ibinugtak sa laogan kan Kabanal-banaleng Lugar; an itaas kan pintoan sarong mapanas na arko.

1 Mga Hade 6:32

An mga pinto igwa nin samnong inukit na mga kerubin, mga kahoy na palma, asin mga bukad na burak. Patos nin bulawan an mga pinto, an mga kerubin, asin an mga kahoy na palma.

Salmo 18:10

Nagsakay siya sa kerubin asin naglayog; marikas siyang naglayog sakay sa mga pakpak kan doros.

Salmo 80:1

Dangoga kami, O Pastor nin Israel; himatea kami, ika na pamayo kan saimong mga karnero. Ika na nakatukaw sa trono sa ibabaw kan mga kerubin,

Isaias 37:16

“O Kagurangnan nin mga hukbo, Dios nin Israel, na nagtutukaw sa trono sa itaas kan mga kerubin, ika sana an Dios kan gabos na kahadean sa daga. Ika an naglalang kan langit asin kan daga.

Ezekiel 41:24

An lambang pintoan igwa nin duwang dahon na minabuka saka minasera sa tahaw.

Hebreyo 1:14

Kun siring, ano an mga anghel? Sinda an mga espiritung naglilingkod sa Dios; sinusugo niya sindang magtabang sa mga mag-aako nin kaligtasan.

1 Pedro 1:12

Ipinahayag sainda nin Dios na idtong gibo ninda bakong sa sadiri nindang karahayan kundi para saindo. An mga bagay na ini ibinareta na ngunyan saindo kaidtong mga naghulit kan Marahay na Bareta huli sa Espiritu Santo na hale sa langit. Maski an mga anghel boot man masabotan an mga bagay na ini.