1 Mga Hade 6:16 - Marahay na Bareta Biblia

¹⁶ Sa pinakahuring parte kan Templo, igwa nin ginibong sarong kwarto na nasa laog nin marahay, na inapod Kabanal-banaleng Lugar. An kwartong ini siyam na metros an laba na nalalanoban nin mga mahimpis na tablang sedro magpoon sa salog sagkod sa kisame.

1 Mga Hade 6:16 ပူးပေါင်းရင်းမြစ်များ

1 Mga Hade 6:17

An kwarto sa atubangan kan Kabanal-banaleng Lugar igwa nin laba na dyes y otso metros.

1 Mga Hade 6:5

Nakadukot ini sa mga gilid saka sa likod kan Templo, asin an lambang eskalon duwang metros may beynte sentimetros an langkaw.

1 Mga Hade 7:7

Ipinagibo man niya an Sala kan Trono na inapod man Sala nin Paghukom; digdi naghuhukom si Solomon. An Sala nalalanoban nin saradit na tablang sedro, magpoon sa salog sagkod sa mga gunting.

1 Mga Hade 8:6

An Kaban nin Tipan ilinaog kan mga padi sa pinakalaog na santwaryo kan Templo, sa Kabanal-banaleng Lugar, sa irarom kan mga pakpak kan mga kerubin.

2 Mga Cronica 3:8

An pinakalaog na kwarto, an Kabanal-banaleng Lugar, may sukol na siyam na metros an laba, pareho kan lakbang kan Templo, asin siyam na metros an lakbang. Sobra sa beynte toneladang bulawan an ginamit sa pagpatos kan mga lanob kan Kabanal-banaleng Lugar.

Exodo 26:23

asin nin duwang tabla para sa mga kanto sa likod na parte kan Tabernakulo.

Ezekiel 41:4

Sinukol niya an kwarto: dyes metros kwadrado ini. Dangan sinabihan niya ako, “An pinakalaog na kwartong ini iyo an Kabanal-banaleng Lugar.”

Ezekiel 45:3

An kabanga kan kabtang na ini susukolon nindo para sa Templo, an pinakabanal na lugar sa gabos: dose may kabangang kilometros an laba asin limang kilometros an lakbang.

Levitico 16:2

tinaraman nin Kagurangnan si Moises, “Sabihan mo an saimong tugang na si Aaron na magduman sa likod kan panlipod na kurtina, sa Kabanal-banaleng Lugar, sa talaan na panahon sana, huli ta duman ako nagpapahiling sa panganoron, sa ibabaw kan takop kan Kaban nin Tipan. Kun dai siya magsunod, magagadan siya.

Hebreyo 9:3

Nasa likod kan ikaduwang kurtina an ikaduwang kabtang na inapod Kabanal-banaleng Lugar.