1 Mga Hade 6:1 - Marahay na Bareta Biblia

¹ Pinoonan ni Solomon an pagtugdok kan Templo kan ika kwatro syentos otsentang taon pakahale sa Egipto kan banwaan nin Israel, kan ikaapat na taon nin saiyang paghade, kan ikaduwang bulan, an bulan nin Ziv.

1 Mga Hade 6:1 ပူးပေါင်းရင်းမြစ်များ

1 Mga Hade 6:2

An Templo na itinugdok ni Solomon para sa Kagurangnan igwa nin sukol na beynte y syete metros an laba, siyam na metros an lakbang, asin trese metros may kabanga an langkaw.

1 Mga Hade 6:37

An pundasyon kan Templo ibinugtak kan ikaduwang bulan, an bulan nin Ziv, kan ikaapat na taon kan paghahade ni Solomon.

1 Mga Cronica 29:19

Itao mo ki Solomon na sakuyang aki an tudok sa puso na pagmawot na maotob an saimong mga togon saka mga pagboot, asin na ikapatugdok niya an Templo, na inandaman ko kan mga bagay na ini.”

1 Mga Cronica 6:10

Azarias (an naglingkod sa Templo na ipinatugdok ni Hadeng Solomon sa Jerusalem),

2 Mga Cronica 3:3

An Templo nin Dios na ipinatugdok ni Hadeng Solomon igwa nin sukol na beynte y syete metros an laba asin siyam na metros an lakbang.

Esdras 5:11

“Ini an simbag ninda samo, ‘Kami an mga sorogoon kan Dios nin langit asin daga, asin itinutugdok giraray nyamo an Templo na dating itinugdok saka sinamnohan kaidto kan sarong dakulang hade nin Israel.

Salmo 78:69

Duman niya itinugdok an saiyang Templo arog kan harong niya sa langit; pinakosog niya iyan arog kan daga, na saiyang pinamugtak sagkod lamang.

Exodo 12:41

Naghale sinda sa Egipto sa huring aldaw kan ikakwatro syentos treyntang taon.

Exodo 12:51

Kan aldaw na idto, ilinuwas nin Kagurangnan sa Egipto an mga tribu nin Israel.

Ezekiel 41:1

Dangan ipinag-iba ako kan lalaki sa pinakatahaw na kwarto, an Banal na Lugar. Sinukol niya an agihan pasiring duman: tolong metros an rarom kaini

Hageo 1:8

Kaya magtukad kamo sa mga bulod, magkua nin kahoy asin hirahayon nindo an Templo; dangan mawiwili ako asin sasambahon ako siring sa dapat mangyari.

Zacarias 6:15

Maarabot an mga nag-eerok sa harayong lugar asin matarabang sinda sa pagpatindog giraray kan Templo nin Kagurangnan. Kun mahaman na iyan, maaaraman nindo na an Kagurangnan nin mga hukbo iyo an nagsugo sako sa saindo. Mangyayari an gabos na ini kun bilog nindong kukuyogon an mga pagboot kan Kagurangnan na saindong Dios.

Mga Bilang 1:1

Kan enot na aldaw kan ikaduwang bulan kan ikaduwang taon pakahale kan banwaan nin Israel sa Egipto, nagtaram an Kagurangnan ki Moises sa Tabernakulo duman sa Desyerto nin Sinai:

Mga Gibo 13:19

Pakatapos niyang rumpagon an pitong nasyon sa Canaan, an saindang daga itinao niya sa mga Israelita bilang pamana, sa laog nin haros kwatro syentos singkwentang taon.

Mga Gibo 7:47

Alagad si Solomon na an nagpatindog kan harong nin Dios.

1 Corinto 6:19

Dai nindo aram na an saindong hawak iyo an templo kan Espiritu Santo na nag-eerok saindo, na inako nindo hale sa Dios? Kamo bako nang pagsadiri nindo,

2 Corinto 6:16

Paanong magkaoyon an templo nin Dios asin an mga dios-dios? Huli ta kita iyo an templo kan Dios na buhay! Siring sa sinabi nin Dios, “Mag-eerok ako sainda asin maglalakaw sa kaibahan ninda; ako an magigin Dios ninda, sinda an magigin banwaan ko.”

Colosas 2:7

Kaipuhan sa saiya kamo nakagamot, nagtalubo asin nagin pusog sa pagtubod arog kan itinukdo saindo. Danay kamong magpasalamat sa Dios.

Hebreyo 11:10

Huli ta mawot niya an syudad na igwa nin mga pundasyon, na an kagtugdok asin kaggibo iyo an Dios.

Hebreyo 9:11

Alagad nagdigdi na si Cristo bilang Halangkaw na Padi kan marahay na mga bagay na nagdatong na. An tolda na pinaglilingkodan niya mas kadakula saka mas marahay; iyan bakong gibo nin tawo, na an boot sabihon, mayo digdi sa kinaban.

1 Pedro 2:5

Magdolok kamo bilang mga buhay na gapo tanganing magamit sa pagtugdok kan espiritwal na templo; maglilingkod kamo bilang mga banal na padi, na magdodolot nin mga atang na espiritwal, na ikakaogma nin Dios huli ki Jesu-Cristo.

Hukom 11:26

Sa laog nin tolong gatos na taon nag-erok an mga Israelita sa Hesbon, sa Aroer, asin sa mga banwa na nasa palibot kaiyan, sagkod sa mga syudad na yaon sa pangpang kan Salog nin Arnon. Tano ta dai mo kinua an dagang idto sa laog kan panahon na iyan?