1 Mga Hade 5:8 - Marahay na Bareta Biblia

⁸ Nagpadara siya kan simbag na ini ki Solomon: “Nakaabot sakuya an saimong mensahe. Andam akong itao an saimong kahagadan manongod sa mga kahoy na sedro saka sipres.

1 Mga Hade 5:8 ပူးပေါင်းရင်းမြစ်များ

2 Samuel 6:5

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Kagurangnan. Nagtugtog sinda nin mga arpa, tamborin, lira, bombo, saka gimbal.

1 Mga Hade 5:7

Naogma nin marahay si Hiram kan makaabot saiya an mensahe ni Solomon, kaya nagsabi siya, “Omawon an Kagurangnan ngunyan na aldaw huli ta tinawan niya si David nin sarong madonong na aki tanganing magin hade kan dakulang nasyon na idto!”

1 Mga Hade 5:9

Dadarahon kan sakong mga tawohan an mga troso hale sa Lebanon sagkod sa dagat. An mga trosong ini gigibohon kong mga balsa tanganing mag-anod sa dagat sagkod sa lugar na saimong mapili. Pag-abot duman, huhubadon kan sakong mga tawohan an gakot kan mga troso dangan bahala na an saimong mga tawohan. An hagad ko sana saimo iyo na magpadara ka nin pagkakan para sa sakong mga tawohan.”

1 Mga Hade 6:15

An mga palaog na lanob napapatos nin mga saradit na tablang sedro, magpoon sa salog sagkod sa kisame; tablang aguho an ginibong salog.

1 Mga Hade 6:34

asin duwang turotiklop na pinto na gibo sa kahoy na aguho.

2 Mga Cronica 2:16

Duman kami sa Lebanon mapalod nin kahoy na kaipuhan mo; bubugkoson mi iyan dangan gigibohon na mga balsa na samong ipapaanod sa dagat pasiring sa Jope. Hale duman, pwede mo nang madara iyan sa Jerusalem.

2 Mga Cronica 3:5

An pinakakwarto kan Templo linanoban niya nin mga kahoy na sedro, na napapatos nin purong bulawan na may desenyong mga kahoy na palma saka mga kadena.