1 Mga Hade 5:6 - Marahay na Bareta Biblia

⁶ Kaya magpadara ka sa Lebanon nin mga lalaki tanganing magpulak nin mga sedro para sako. Babayadan ko an saimong mga tawohan kan kantidad na sabihon mo. Matabang sana sainda an sakong mga tawohan huli ta aram mong mayo kaming mga marahay na parapulak nin kahoy arog kan mga taga Sidon.”

1 Mga Hade 5:6 ပူးပေါင်းရင်းမြစ်များ

Genesis 10:15

Si Canaan iyo an ama si Sidon, na matua niyang aking lalaki, asin ni Het.

1 Mga Hade 10:26

Nagtipon si Solomon nin dakul na karwahe asin kabayo: mil kwatro syentos an saiyang mga karwahe asin dose mil an nakakabayong mga soldados. An iba sainda ibinugtak niya sa Jerusalem asin an natada ibinugtak niya sa manlaen-laen na syudad.

1 Mga Hade 5:7

Naogma nin marahay si Hiram kan makaabot saiya an mensahe ni Solomon, kaya nagsabi siya, “Omawon an Kagurangnan ngunyan na aldaw huli ta tinawan niya si David nin sarong madonong na aki tanganing magin hade kan dakulang nasyon na idto!”

1 Mga Hade 6:16

Sa pinakahuring parte kan Templo, igwa nin ginibong sarong kwarto na nasa laog nin marahay, na inapod Kabanal-banaleng Lugar. An kwartong ini siyam na metros an laba na nalalanoban nin mga mahimpis na tablang sedro magpoon sa salog sagkod sa kisame.

1 Mga Hade 6:20

An kwartong ini na gabos patos nin purong bulawan, siyam na metros an laba, siyam na metros an lakbang, asin siyam na metros an langkaw. An altar napapatos nin saradit na tablang sedro.

1 Mga Hade 9:19

an mga syudad na sarayan kan saiyang mga kagamitan, an mga syudad para sa saiyang mga kabayo saka mga karwahe, sagkod an gabos na binoot niyang itugdok sa Jerusalem, sa Lebanon, patin sa gabos na dagang sakop niya.

1 Mga Hade 9:27

Nagpadara si Hadeng Hiram nin mga tawong tood sa dagat hale sa saiyang mga barko tanganing maglingkod kaiba kan mga tawohan ni Solomon.

1 Mga Cronica 22:4

Dinarahan man siya kan mga taga Sidon saka mga taga Tiro nin dakul na kahoy na sedro.

2 Mga Cronica 1:14

Nagtipon siya nin mga karwahe asin mga parakabayo: mil kwatro syentos an saiyang mga karwahe asin dose mil an mga parakabayo. An iba kaini ibinugtak niya sa Jerusalem, asin an iba ibinugtak niya sa manlaen-laen na syudad.

2 Mga Cronica 2:10

An saimong mga parapalod nin kahoy tatawan ko nin dos mil na toneladang trigo, dos mil na toneladang sebada, kwatro syentos mil na litro nin arak saka kwatro syentos mil na litro nin lana.”

2 Mga Cronica 2:8

Aram kong matitibay an saimong mga parapalod nin kahoy, kaya padarahan mo ako nin mga kahoy na sedro, sipres, asin algum hale sa Lebanon. Andam akong magpadara nin mga matabang sa mga sorogoon mo,

Esdras 3:7

Binayadan kan mga tawo an mga kantero saka mga karpintero, asin nagtao sinda nin kakanon, inomon, saka lana na ipapadara sa mga taga Sidon asin Tiro bilang karibay kan mga kahoy na sedro hale sa Lebanon, na dadarahon sa paagi nin dagat pasiring sa Jope. Ini gabos ginibo huli sa pagtugot na itinao ni Ciro na emperador nin Persia.

Salmo 29:5

Mga sedro binabari kan tingog nin Kagurangnan; mga sedro nin Lebanon binabari nin Kagurangnan.

Zacarias 11:12

Sinabihan ko sinda, “Kun boot nindo, itao nindo sako an sweldo ko; alagad kun habo kamo, saindo na.” Kaya binayadan ninda ako nin treyntang pedaso nin plata bilang sweldo ko.

Roma 12:17

Kun gibohan kamo nin maraot, dai kamo magbalos nin maraot. Hingowahon nindong danay na magibo an pinaghohonang marahay kan gabos na tawo.

Efeso 4:7

Alagad an biyaya itinao sa lambang saro sato sosog sa sukol kan balaog ni Cristo.

Deuteronomio 17:16

An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.

Filipos 4:8

Sa kataposan, mga tugang, panoa nindo an saindong mga isip kan mga bagay na marahay saka maninigong omawon: mga bagay na totoo, noble, matanos, malinig, maninigong kamotan asin galangan.