1 Mga Hade 5:4 - Marahay na Bareta Biblia

⁴ Alagad ngunyan tinawan ako nin Kagurangnan na sakong Dios nin katoninongan sa gabos kong pagdolonan. Mayo na ako nin kaiwal asin mayo nang paghandal na tibaad salakayon.

1 Mga Hade 5:4 ပူးပေါင်းရင်းမြစ်များ

2 Samuel 7:5

“Lakaw asin sabihan mo si David na sakong sorogoon, ‘Siring an itinaram nin Kagurangnan: Bakong ika an mapatugdok nin harong na sakuyang eerokan.

1 Mga Hade 11:25

Nagin kaiwal kan Israel si Rezon sa bilog na panahon kan paghahade ni Solomon.

1 Mga Hade 4:24

Sakop ni Solomon an gabos na daga sa solnopan kan Salog nin Eufrates, magpoon sa Tifsa sagkod sa Gaza. Sakop man niya an mga hade sa solnopan kan Salog nin Eufrates; igwa nin katoninongan sa palibot ni Solomon.

1 Mga Hade 5:18

An mga tawohan ni Solomon saka ni Hiram, asin an kalalakihan sa syudad nin Gebal iyo an mga nag-andam kan mga gapo asin mga kahoy na gagamiton sa pagtugdok kan Templo.

2 Mga Hade 18:8

Nadaog niya an mga Filisteo dangan sinalakay niya an mga erokan ninda, magpoon sa pinakasadit na baryo sagkod sa pinakadakulang syudad, kaiba an Gaza saka an teritoryo sa palibot kaini.

1 Mga Cronica 22:9

Alagad nagtaram siya sako, ‘Magkakaigwa ka nin aking lalaki. Maghahade siya sa katoninongan; dai siya pupurisawon asin iiwalon kan saiyang mga kaiwal. Solomon an saiyang magigin ngaran, huli ta sa panahon nin saiyang paghahade, tatawan ko nin katoninongan asin katiwasayan an Israel.

Esdras 4:20

Mapangyari an mga hade na namayo sa Jerusalem saka sa bilog na probinsya sa ibong kan Salog nin Eufrates, asin nagharagad sinda nin mga buhis.

Salmo 72:7

Magburak logod an katanosan sa saiyang kapanahonan, asin magsupay logod an katoninongan, sagkod na nagliliwanag an bulan.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

Josue 15:47

Kairiba man an Asdod saka Gaza, dangan an mga banwa asin an mga baryo na abot sa sapa na nasa pagdolonan kan Egipto sagkod sa baybayon kan dagat nin Mediteraneo.