1 Mga Hade 5:3 - Marahay na Bareta Biblia

³ “Aram mong huli kan danay na pakigera kan sakong ama laban sa saiyang mga kaiwal sa palibot niya, dai siya nakapatugdok nin templo para sa Kagurangnan na saiyang Dios sagkod na paganahon siya nin Kagurangnan laban sa gabos niyang kaiwal.

1 Mga Hade 5:3 ပူးပေါင်းရင်းမြစ်များ

1 Mga Hade 8:19

alagad bako ika an matugdok kan templo. An saimong aking lalaki iyo an matugdok kan sakong Templo.’

1 Mga Cronica 22:8

Alagad nagtaram sako an Kagurangnan na dakul nang tawo an sakong ginadan asin dakul nang gera an sakong linabanan. Kaya huli kan dakul na dugo na sakong napabulos, habo niyang ako an magtugdok nin templo para saiya.

1 Mga Cronica 28:2

Nagtindog si David sa atubangan ninda asin nagsabi: “Magdangog kamo, mga tugang asin mga kahimanwa. Nasa puso ko na kaidto an pagtugdok nin sarong harong na bugtakan kan Kaban nin Tipan, an tungtongan kan Kagurangnan na satong Dios. Inandam ko na an mga kagamitan para sa pagtugdok kan templo,

1 Mga Cronica 28:3

alagad sinabihan ako nin Dios, ‘Bako ika an matugdok nin harong para sako, huli ta soldados ka asin nagpabulos ka nin dakul na dugo.’

2 Mga Cronica 9:4

Nahiling niya an pagkakan sa saiyang lamesa, an mga erokan kan saiyang mga opisyal, an paglingkod kan mga sorogoon kan hade saka an saindang mga gubing, an mga naglilingkod sa lamesa kan hade saka an saindang mga gubing, asin an mga tinutong na atang na idinolot kaini sa Templo. Kaya kanigoan nanggad an saiyang pagngalas.

Nehemias 5:17

Syento singkwentang mga Judio saka mga lider an danay kong pinakakan, laen pa kan mga tawo na nagdolok sako hale sa mga nasyon sa palibot.

Nehemias 5:18

Aroaldaw nag-andam ako nin sarong baka, anom na piling karnero asin dakol na manok; lambang sampolong aldaw, nagtatao ako nin dakul na arak. Aram ko an gabat na pinapasan kan mga tawo, kaya dai ko inako an pagkakan na talaan sako bilang gobernador.

Salmo 110:1

An Kagurangnan nagtaram sa sakong kagurangnan, “Tumukaw ka sa too ko, sagkod na an mga kaiwal mo gibohon kong tungtongan kan mga bitis mo.”

Salmo 8:6

Tinawan mo siya nin kapangyarihan sa gabos mong linalang, ibinugtak mo an gabos sa irarom nin saiyang mga bitis;

Malakias 4:3

Sa aldaw na humiro ako, madadaog nindo an mga maraot na tawo, asin makakaagid sinda sa alpog sa irarom kan saindong mga bitis.

1 Corinto 15:25

Huli ta dapat maghade si Cristo sagkod na an gabos niyang kaiwal ibugtak nin Dios sa irarom kan saiyang mga bitis.

Efeso 1:22

An gabos na bagay ibinugtak nin Dios sa irarom kan mga bitis ni Cristo. Itinao siya sa simbahan bilang kagsakop kan gabos na bagay.

Deuteronomio 14:5

usa, lalaw na karnero, lalaw na kanding sagkod an mga kaagid kaiyan.

Josue 10:24

dangan dinara ninda ki Josue. Inapod ni Josue an saiyang mga soldados asin sinugo an mga opisyal na nag-iba saiya na tungtongan an liog kan mga hade. Nagsunod an mga opisyal.