1 Mga Hade 4:33 - Marahay na Bareta Biblia

³³ Nagtaram siya manongod sa mga kahoy asin mga tinanom, magpoon sa sedro nin Lebanon sagkod sa isopo na nagtatalubo sa mga kudal; manongod sa mga hayop na naglalakaw o nagkakamang sa daga; manongod sa mga gamgam sagkod mga sira.

1 Mga Hade 4:33 ပူးပေါင်းရင်းမြစ်များ

1 Mga Hade 4:32

Nagtaram siya nin tolong ribong talinhaga asin sobra sa sangribo an bilang kan saiyang mga awit.

1 Mga Hade 4:34

An saiyang kadonongan nabaretaan kan mga hade sa bilog na kinaban asin nagpadara sinda nin mga tawo tanganing maghinanyog saiya.

2 Mga Hade 19:23

Ipinadara mo an saimong mga sugo tanganing maghambog sako na huli kan kadakul mong karwahe nasakop mo an haralangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres asin naabot mo an pinakapusod kan kadlagan.

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Salmo 92:12

Siring sa palma mauswag an mga matanos na tawo; matalubo sinda arog kan sedro sa Lebanon.

Exodo 12:22

Kumua kamo kan sanga nin isopo, ibuntog nindo iyan sa dugo na nasa palanggana, asin ilahid sa mga hamba saka sa itaas kan mga pinto. Dangan mayo na sa saindong magluwas sa harong sagkod mag-aga.

Awit nin mga Awit 4:8

Sakong agom, umiba ka sako hale sa kabukidan nin Lebanon; umiba ka sako hale sa Lebanon. Lumogsot ka hale sa alitoktok kan Bukid nin Amana, hale sa Bukid nin Senir asin Bukid nin Hermon, saen nag-eerok an mga leopardo asin mga leon.

Awit nin mga Awit 5:15

An saiyang hita siring sa hariging alabastros na namumugtak sa mga patungtongan na bulawan. Magayon siring sa mga Bukid nin Lebanon, na makukuahan kan haralangkaw na sedro.

Levitico 14:51

Pakatapos, kukuahon niya an sedro, an isopo saka an mapulang pisi, patin an buhay na gamgam; ibubuntog niya an mga iyan sa dugo kan ginadan na gamgam asin sa tubig. Dangan pitong beses niyang wiwirikan kaini an harong.

Mga Bilang 19:18

Sa enot na kaso, an sarong malinig na tawo iyo an makua nin sanga nin isopo, ibubuntog niya iyan duman sa tubig, asin wiwirikan niya an tolda, an mga kagamitan sagkod an mga tawong yaon duman. Sa ikaduwang kaso, wiwirikan nin sarong malinig na tawo an nagduta sa tolang nin tawo, sa bangkay o sa lulubngan.

Mga Bilang 24:6

Arog sa mga kapantayan na mahiwas, Arog sa mga tatamnan sa tampi nin salog; Arog sa mahamot na mga tinanom nin Kagurangnan, Arog sa mga kahoy na sedro sa kataed nin katubigan.

Hebreyo 9:19

Ipinahayag ngona ni Moises sa mga tawo an mga pagboot kan Katogonan. Pakatapos, nagkua siya nin dugo kan mga toro saka mga kanding, sinalakan niya iyan nin tubig dangan winirikan an libro kan Katogonan patin an gabos na tawo sa paagi kan paggamit nin telang lana saka sarong sanga nin isopo.