1 Mga Hade 4:32 - Marahay na Bareta Biblia

³² Nagtaram siya nin tolong ribong talinhaga asin sobra sa sangribo an bilang kan saiyang mga awit.

1 Mga Hade 4:32 ပူးပေါင်းရင်းမြစ်များ

1 Mga Hade 4:33

Nagtaram siya manongod sa mga kahoy asin mga tinanom, magpoon sa sedro nin Lebanon sagkod sa isopo na nagtatalubo sa mga kudal; manongod sa mga hayop na naglalakaw o nagkakamang sa daga; manongod sa mga gamgam sagkod mga sira.

Mga Talinhaga 10:1

Uya an mga talinhaga ni Solomon: An madonong na aki ikinakaogma nin saiyang ama. Alagad an lolong na aki sarong kamondoan nin saiyang ina.

Mga Talinhaga 25:1

Uya an iba pang mga talinhaga ni Solomon, na kinopya kan mga tawohan ni Ezekias na hade nin Juda.

Parahulit 12:12

Aki ko, igwa ka pang dapat na masabotan. Mayo nin kataposan an pagsurat nin mga libro, asin an sobrang pag-aadal nagdadara nin kapagalan sa hawak.

Parahulit 12:9

Nin huli ta madonong an Parahulit, padagos niyang tinukdoan an mga tawo kan naaaraman niya. Nag-adal siya nin mga talinhaga asin binalo niya nin marahay an katotoohan kan mga iyan.

Mateo 13:35

Ginibo niya ini tanganing maotob an sinabi kan propeta, “Mataram ako sainda sa paagi nin mga parabola; ipapahayag ko sainda an mga bagay na natatago poon na lalangon an kinaban.”