1 Mga Hade 4:31 - Marahay na Bareta Biblia

³¹ Siya an pinakamadonong sa gabos na tawo: mas madonong ki Etan na Ezrahita, asin ki Heman, ki Calcol saka ki Darda, na mga aking lalaki ni Mahol. Nakalakop an saiyang dangog sa gabos na nasyon sa palibot.

1 Mga Hade 4:31 ပူးပေါင်းရင်းမြစ်များ

1 Mga Hade 10:1

Nadangog kan reyna nin Sheba an kabantogan ni Solomon, kaya nagduman siya tanganing baloon si Solomon sa paagi nin mga dipisil na hapot.

1 Mga Hade 10:6

Nagsabi siya sa hade, “Totoo an baretang nadangog ko sa sadiri kong daga manongod sa mga gibo mo asin sa saimong kadonongan.

1 Mga Hade 3:12

itatao ko an saimong hinagad. Tatawan taka nin kadonongan asin pakasabot na orog ki sa mga naenot na saimo o sa mga masurunod pa saimo.

1 Mga Hade 5:7

Naogma nin marahay si Hiram kan makaabot saiya an mensahe ni Solomon, kaya nagsabi siya, “Omawon an Kagurangnan ngunyan na aldaw huli ta tinawan niya si David nin sarong madonong na aki tanganing magin hade kan dakulang nasyon na idto!”

1 Mga Cronica 15:17

Sa grupo nin mga parakanta, an pinili nindang magtugtog nin mga bronseng gimbal iyo si Heman na aking lalaki ni Joel, an kadugo niyang si Asaf na aking lalaki ni Berekias, asin si Etan na aking lalaki ni Kusaias kan kamaganakan ni Merari. An pinili nindang magtugtog kan mga arpa na halangkaw an tanog iyo si Zacarias, Jaaziel, Semiramot, Jehiel, Uni, Eliab, Maaseias, asin Benaias. An pinili nindang magtugtog kan mga arpa na hababa an tono iyo si Matitias, Elifelehu, Mikneias, Azazias asin an mga bantay sa Templo na iyo si Obed-edom saka si Jeiel.

1 Mga Cronica 2:6

An limang aking lalaki ni Zera iyo si Zimri, Etan, Heman, Calcol, asin Darda.

1 Mga Cronica 6:33

Iyo ini an mga pamilya kan mga parakanta: Sa kamaganakan ni Kohat, si Heman na aki ni Joel iyo an lider kan enot na koro. An linya kan ginikanan na pamilya ni Heman masososog pabalik ki Jacob sa pasurunod-sunod na henerasyon magpoon saiya: Heman, Joel, Samuel,

2 Mga Cronica 9:23

An mga hadeng ini nagdolok saiya tanganing madangog an kadonongan na itinao saiya nin Dios.

Salmo 88:1

Kagurangnan kong Dios, sa aldaw ako minaapod saimo; asin sa banggi minaagrangay ako sa atubang mo.

Daniel 1:20

Maski anong hapot o problema an itao kan hade, an apat na ini iyo an may sampolong beses na naaaraman ki sa arin man na parahula o salamangkero sa bilog niyang kahadean.

Mateo 12:42

Sa Aldaw nin Paghukom matindog an Reyna nin Sheba saka mahukom saindo, huli ta nagbaklay siya hale sa mga poro kan daga tanganing madangog sana an kadonongan ni Solomon; asin uya an mas dakula pa ki Solomon!

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

Lukas 11:31

Sa Aldaw nin Paghukom matindog an Reyna kan Sheba asin ipapakondenar niya an henerasyon na ini, huli ta siya ngani naghale pa sa pinakaharayong poro kan kinaban tanganing madangog sana an kadonongan ni Solomon. Alagad uya digdi an mas dakula pa ki Solomon!

Colosas 2:3

Sa saiya nakatago an gabos na kayamanan nin kadonongan saka pakasabot nin Dios.