1 Mga Hade 4:25 - Marahay na Bareta Biblia

²⁵ Mantang nabubuhay pa siya, ligtas na namuhay an mga tawo sa Juda asin sa Israel. An lambang pamilya igwa nin sadiring mga poon nin ubas asin higera.

1 Mga Hade 4:25 ပူးပေါင်းရင်းမြစ်များ

2 Samuel 17:11

An hatol ko iyo na tiponon mo an gabos na Israelita magpoon sa sarong poro kan daga sagkod sa ibong na poro, siring sa mga baybay sa dagat, dangan ika mismo an mangenot sainda sa pakilaban.

2 Samuel 24:15

Kaya pinadarahan nin Kagurangnan nin peste an Israel, poon aga sagkod sa panahon na itinalaan niya. Nagkagaradan an setenta mil na Israelita poon sa Dan sagkod sa Beer-sheba.

2 Mga Hade 18:31

Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy, patin mag-inom nin tubig hale sa sadiri nindong bubon

1 Mga Cronica 22:9

Alagad nagtaram siya sako, ‘Magkakaigwa ka nin aking lalaki. Maghahade siya sa katoninongan; dai siya pupurisawon asin iiwalon kan saiyang mga kaiwal. Solomon an saiyang magigin ngaran, huli ta sa panahon nin saiyang paghahade, tatawan ko nin katoninongan asin katiwasayan an Israel.

Isaias 36:16

Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy patin mag-inom nin tubig hale sa sadiri nindang bubon

Isaias 60:18

Dai na nanggad madadangog an kadahasan; an saimong daga dai na nanggad makakanamit nin pagkagaba. Ako an magigin kaligtasan asin depensa mo siring sa sarong kudal; oomawon mo ako huli ta ako an nagligtas saimo.

Ezekiel 38:11

Madesisyon kang salakayon an sarong mayong laban na banwaan, na an mga tawo matoninong asin matiwasay na namumuhay sa mga banwaan na mayo nin mga kudal o mga trangkahan.

Ezekiel 39:26

Kun toninong na giraray sindang nag-eerok sa sadiri nindang daga, asin mayo na nin magpatakot sa sainda, malilingawan ninda kun paano sinda nawaraan nin onra huli kan pagpasaluib ninda sako.

Mikas 4:4

Matoninong na mamumuhay an lambang saro sa tahaw kan sadiri niyang ubasan saka mga kahoy na higera, asin mayo nang magpapatakot saiya. An Kagurangnan nin mga hukbo an nanuga kaini.

Zacarias 3:10

Pag-abot kan aldaw na iyan, aalokon kan lambang saro saindo an saiyang kanatad na makisumaro saindo sa kaogmahan huli kan katoninongan asin katiwasayan, sa lindong kan saindong mga ubasan saka mga kahoy na higera.”

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.

1 Samuel 3:20

Kaya an gabos na tawo sa Israel, magpoon sa sarong poro kan daga sagkod sa ibong na poro, nakaaram na si Samuel sarong tunay na propeta nin Kagurangnan.