1 Mga Hade 4:1 - Marahay na Bareta Biblia

¹ Si Solomon iyo an hade kan bilog na Israel

1 Mga Hade 4:1 ပူးပေါင်းရင်းမြစ်များ

2 Samuel 20:23

Si Joab an namayo kan hukbo nin Israel; si Benaias na aking lalaki ni Jehoiada an namahala kan mga bantay ni David;

2 Samuel 5:5

Pinaghadean niya an Juda duman sa Hebron sa laog nin pito may kabangang taon, dangan pinaghadean niya an bilog na Israel asin Juda duman sa Jerusalem sa laog nin treynta y tres na taon.

2 Samuel 8:15

Naghade si David sa bilog na Israel; tinawan niya nin hustisya asin katanosan an saiyang banwaan.

1 Mga Hade 11:13

Alagad dai ko man gabos hahaleon saiya an kahadean; itatada ko saiya an sarong tribu huli ki David na sakong sorogoon, asin huli sa Jerusalem na sakong pinili.”

1 Mga Hade 12:6

Naghagad si Rehoboam nin hatol sa kamagurangan na naglingkod bilang mga parahatol sa saiyang ama na si Solomon. “Anong simbag an ihahatol nindo na sakuyang itao sa mga tawo?” an hapot niya.

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Hade 4:2

asin an mga ini iyo an saiyang haralangkaw na mga opisyal: An padi: si Azarias na aking lalaki ni Zadok

1 Mga Cronica 12:38

An mga soldados na ini, gabos andam sa pakilaban, nagduman sa Hebron na pano nin pagmawot na gibohon na hade si David kan bilog na Israel. Siring man an iba pang mga taga Israel nagkasararo sa katuyohan na ini.

2 Mga Cronica 1:13

Kaya naghale si Solomon sa lugar na pagsasambahan sa Gibeon na namumugtakan kan Tabernakulo, asin nagpasiring sa Jerusalem. Duman niya pinaghadean an Israel.

2 Mga Cronica 9:30

Kwarentang taon niyang pinaghadean an Israel duman sa Jerusalem.

Nehemias 13:26

Sinabihan ko sinda, “Mga dayuhan na babae an nagin dahelan kan pagkasala ni Hadeng Solomon. Sa gabos na hade sa ibang nasyon mayo nin hade na mas nagin dakula ki sa saiya. Namotan siya nin Dios saka ginibong hade kan bilog na Israel, alagad nagkasala siya huli sa mga dayuhan na babae.

Parahulit 1:12

Ako, an Parahulit, nagin hade nin Israel sa Jerusalem.