1 Mga Hade 3:9 - Marahay na Bareta Biblia

⁹ Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

1 Mga Hade 3:9 ပူးပေါင်းရင်းမြစ်များ

2 Samuel 14:17

Nagsaboot pa akong, ‘An panuga kan sakong kagurangnan na hade iyo an maligtas sako;’ huli ta an kagurangnan na hade siring sa anghel nin Dios na nakakaaram kan marahay saka kan maraot. Ibahan ka logod kan Kagurangnan na saimong Dios!”

1 Mga Hade 10:24

asin an bilog na kinaban nagmawot na makaatubang ki Solomon tanganing hinanyogon an kadonongan na itinao nin Dios saiya.

1 Mga Hade 3:10

Naogma an Kagurangnan sa hinagad na ini ni Solomon,

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Cronica 22:12

Tawan ka logod nin Kagurangnan na saimong Dios nin kadonongan asin pakasabot, tanganing kun gibohon ka na niyang hade nin Israel, maotob mo an saiyang mga togon.

1 Mga Cronica 29:19

Itao mo ki Solomon na sakuyang aki an tudok sa puso na pagmawot na maotob an saimong mga togon saka mga pagboot, asin na ikapatugdok niya an Templo, na inandaman ko kan mga bagay na ini.”

2 Mga Cronica 1:10

Tawe ako nin kadonongan asin pakaaram na kaipuhan ko sa paghade sainda, huli ta siisay an pwedeng maghade sa banwaan mong ini na orog kadakula?”

Salmo 119:144

Danay na matanos an saimong mga katukdoan; tawe ako nin pakasabot tanganing ako mabuhay.

Salmo 119:34

Tawe ako nin pakasabot, tanganing maotob ko an saimong katogonan asin maotob ko iyan sa bilog kong puso.

Salmo 119:73

Linalang mo ako asin iniingatan; tawe ako nin pakasabot, tanganing manodan ko an saimong mga kabotan.

Mga Talinhaga 14:8

Tano ta madonong an may isip na tawo? Huli ta aram niya kun ano an saiyang gigibohon. Tano ta lolong an mangmang na tawo? Huli ta naghohona siya na igwa siya nin naaaraman.

Mga Talinhaga 16:16

Orog karahay an pakakua nin kadonongan saka pakaaram ki sa bulawan saka plata.

Mga Talinhaga 20:12

Parehong ginibo nin Kagurangnan an talingang nakakadangog saka an matang nakakahiling.

Parahulit 7:11

An gabos na tawong nabubuhay dapat magin madonong; marahay iyan siring sa pag-ako nin kahirasan.

Parahulit 7:19

An kadonongan nagtatao nin kosog sa sarong tawo orog pa ki sa magigibo nin sampolong pamayo para sa sarong syudad.

Jeremias 1:6

Nagsimbag ako, “Kagurangnan Dios, dai ako tataong magtaram; aki pa ako!”

Jeremias 45:5

Naghahanap ka nin darakulang bagay para sa saimong sadiri? Dai mo paggibohon iyan. Mapadara ako nin kasakitan sa gabos na tawo, alagad ililigtas ko an saimong buhay, bilang regalo nin ralaban, saen ka man magduman. Ako, an Kagurangnan, an nagtaram.”

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Mateo 3:11

Binubunyagan ko kamo sa tubig sa pagpahiling na kamo nagbakle na, alagad an maabot sunod sako mabunyag saindo sa Espiritu Santo asin sa kalayo. Mas mapangyari siya ki sa sako; asin dai ako maninigong magbitbit kan saiyang sandalyas.

Mateo 3:14

Alagad hiningowa ni Juan na magbago nin isip si Jesus, kaya nagsabi siya, “Ako an nangangaipong bunyagan mo, alagad ika pa logod an mapabunyag sako?”

Juan 5:30

“Sa sadiri kong kapangyarihan mayo akong magiginibo. Naghuhukom ako sosog sana sa itinataram sako nin Dios, kaya an paghukom ko matanos; dai ko ginigibo an kabotan ko kundi an kabotan kan nagsugo sako.

2 Corinto 2:16

Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

2 Corinto 3:5

Mayo kami nin anoman na kakayahan na masasabi nyamo na hale samuya, huli ta an samong kakayahan gikan sa Dios.

Efeso 5:17

Dai kamo magin lolong, kundi hingowahon nindong masabotan kun ano an kabotan nin Kagurangnan saindo.

Filipos 1:10

tanganing mapili nindo an pinakamarahay. Dangan magigin malinig kamo asin mayo nin sala pag-abot kan Aldaw ni Cristo.

Hebreyo 5:14

An matagas na kakanon para sa mga nasa tama nang edad, na nakanood nang magmidbid kan marahay o maraot.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

Santiago 3:17

Alagad an kadonongan na hale sa itaas, enot sa gabos malinig, dangan matoninong, mahuyo, makikatood, maheherakon saka marahay an mga gibo; mayo iyan nin pagduwa-duwa o pagsagin-sagin.