1 Mga Hade 3:7 - Marahay na Bareta Biblia

⁷ O Kagurangnan Dios, ginibo mo akong hade na kasalihid kan sakong ama maski aki pa ako nin marahay asin dai pa tataong mamayo.

1 Mga Hade 3:7 ပူးပေါင်းရင်းမြစ်များ

2 Samuel 5:2

Kaidto, maski kan si Saul iyo pa an samong hade, ika an namayo kan banwaan nin Israel sa mga gera, asin nanuga saimo an Kagurangnan na ika an mangengenot kan saiyang banwaan asin magigin pamayo ninda.”

1 Mga Cronica 22:5

Nagsaboot si David, “An Templo na ipapatugdok para sa Kagurangnan kaipuhan magayon, bantog asin igagalang sa bilog na kinaban. Alagad hoben pa si Solomon na sakuyang aking lalaki, saka mayo pa nin naaaraman; kaya aandamon ko na an mga kaipuhan para sa Templo.” Kaya bago nagadan si David, inandam na niya an dakul na mga kagamitan para sa Templo.

1 Mga Cronica 22:9

Alagad nagtaram siya sako, ‘Magkakaigwa ka nin aking lalaki. Maghahade siya sa katoninongan; dai siya pupurisawon asin iiwalon kan saiyang mga kaiwal. Solomon an saiyang magigin ngaran, huli ta sa panahon nin saiyang paghahade, tatawan ko nin katoninongan asin katiwasayan an Israel.

1 Mga Cronica 29:1

Sinabihan ni David an bilog na katiriponan, “Hoben pa saka kulang pa nin pakaaram an sakuyang aki na si Solomon, na pinili nin Dios. Dakula an trabaho, huli ta an papatindogon bakong palasyo para sa tawo kundi sarong Templo para sa Kagurangnan Dios.

Salmo 121:8

Iingatan ka nin Kagurangnan sa saimong paghale asin pagbalik ngunyan asin sagkod pa man.

Mga Talinhaga 18:12

Mapalangkaw an tawo kun dai pa naabot an kapahamakan, alagad an dalan pasiring sa kaomawan iyo an kapakumbabaan.

Parahulit 10:16

Herak man sa sarong nasyon kun an naghahade diyan sarong hoben, asin an mga lider diyan nagpapaaga sa pagbangkete!

Jeremias 1:6

Nagsimbag ako, “Kagurangnan Dios, dai ako tataong magtaram; aki pa ako!”

Jeremias 1:7

Alagad tinaraman ako nin Kagurangnan, “Dai mo pagsabihon na aki ka pa, kundi magduman ka sa mga tawo na pinapadumanan ko saimo, dangan itaram mo sainda an gabos na pagboot ko.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Daniel 5:21

Pinahale siya sa tahaw nin mga tawo, asin nagin siring sa hayop an saiyang kaisipan. Namuhay siya kaiba kan mga lalaw na asno, nagkakan nin doot siring sa baka, asin nagkatorog sa kaomahan na mayo nin nakakatahob saiya sa paghugpa kan ambon. Sa kahuri-hurihi, inako niya na an Kahorohalangkaweng Dios iyo an naghahade sa gabos na kahadean nin tawo asin na pwedeng itao an mga iyan sa kiisay man na saiyang mapili.

Mga Bilang 27:17

asin magboot sainda sa panahon nin gera, tanganing an saimong komunidad dai makaarog sa karnero na mayo nin pastor.”

Juan 10:9

Ako an pintoan; an siisay man na minalaog na minaagi sako, makakaligtas; malaog siya saka maluwas asin makakakua siya nin sabsabon.

Deuteronomio 31:2

Nagsabi siya, “Syento beynteng taon na an sakuyang edad asin dai ko na kaya an magin lider nindo. Laen pa kaiyan, nagtaram sako an Kagurangnan na dai ako magbalyo sa Jordan.

1 Samuel 18:16

Alagad namoot ki David an gabos na taga Israel asin taga Juda huli ta saro siyang mapangganang lider.