1 Mga Hade 3:6 - Marahay na Bareta Biblia

⁶ Nagsimbag si Solomon, “Pinahilingan mo nin dakula asin danay na pagkamoot an sakong ama na si David na saimong sorogoon huli ta naglakaw siya na maimbod, matanos asin marahay sa atubangan mo. Ipinadagos mo an pagpahiling kan dakula asin danay na pagkamoot saiya kan tawan mo siya nin sarong aking lalaki tanganing magtukaw ngunyan sa saiyang trono.

1 Mga Hade 3:6 ပူးပေါင်းရင်းမြစ်များ

Genesis 24:40

Nagsimbag siya, ‘An Kagurangnan na danay kong sinusunod mapadara nin anghel na maiba saimo, asin matao saimo nin marahay na palad. An sakong aki ikukua mo nin agom hale sa pamilya nin sakong ama.

2 Samuel 22:21

Binalosan ako nin Kagurangnan sosog sa sakuyang katanosan; benendisyonan niya ako huli ta mayo ako nin kasalan.

2 Samuel 22:25

Kaya binalosan ako nin Kagurangnan sosog sa sakuyang katanosan; sosog sa sakong kalinigan sa saiyang atubang.

2 Samuel 7:5

“Lakaw asin sabihan mo si David na sakong sorogoon, ‘Siring an itinaram nin Kagurangnan: Bakong ika an mapatugdok nin harong na sakuyang eerokan.

1 Mga Hade 1:48

asin namibi, ‘Pag-omawon an Kagurangnan, an Dios nin Israel, huli ta ngunyan pinagmarahay niyang mahiling ko an saro kan sakong mga aki na nakatukaw sa sakong trono!’”

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

1 Mga Hade 2:4

Kun kukuyogon mo siya, ootobon nin Kagurangnan an panugang ginibo niya sako: ‘Kun magigin maimbod sako an saimong kapagarakian dangan kun ootobon ninda an sakong mga pagboot sa bilog nindang puso asin kalag, dai ka mahahalean nin kasalihid sa trono nin Israel.’

1 Mga Hade 3:14

Asin kun maglalakaw ka sa sakong dalan huli sa pagkuyog kan sakong mga togon saka pagboot siring kan ginibo kan saimong ama na si David, tatawan taka nin halawig na buhay.”

1 Mga Hade 9:4

Kun paglilingkodan mo ako sa kaimbodan saka sa katanosan, siring kan ginibo kan saimong ama, dangan kun kukuyogon mo an sakong mga togon sagkod mga pagboot,

2 Mga Hade 20:3

“Giromdoma, O Kagurangnan, na maimbod asin bilog na puso takang pinaglingkodan; ginibo ko an matanos sa saimong atubang.” Dangan nagtangis siya nin makuri.

2 Mga Cronica 1:8

Nagsimbag si Solomon sa Dios, “Pinahilingan mo nin dakula asin danay na pagkamoot an sakong ama na si David, asin ngunyan ginibo mo akong hade bilang kasalihid niya.

Salmo 116:7

Pagbalik, O kalag ko, sa saimong kapahingaloan; huli ta nagin marahayon sa saimo an Kagurangnan.

Salmo 119:17

Magin marahay ka sako, na saimong sorogoon, tanganing mabuhay ako asin magkuyog kan saimong tataramon.

Salmo 13:6

Mag-aawit ako sa Kagurangnan, huli ta nagin marahayon siya sako.

Salmo 15:2

An makinuyog-kuyog sa Dios sa gabos na bagay asin naggigibo nin katanosan, an nagtataram nin katotoohan

Mga Bilang 12:7

Alagad bakong siring an ginigibo ko ki Moises na sakong sorogoon; siya an pinaniwalaan ko kan sakong banwaan.

2 Corinto 9:11

Payayamanon niya kamo sa gabos na bagay tanganing magin kamong orog na matinao asin dakul an magpapasalamat sa Dios kan mga itinao nindo sa paagi mi.

2 Corinto 9:5

Naisipan kong paenoton sako na magdiyan saindo ining mga tugang sa pag-andam kan limos na ipinanuga nindo, tanganing andam na iyan pag-abot ko. Magpapahiling iyan na talagang tudok sa boot nindo an pagtao, bakong napiritan sana kamo.