1 Mga Hade 3:3 - Marahay na Bareta Biblia

³ Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

1 Mga Hade 3:3 ပူးပေါင်းရင်းမြစ်များ

1 Mga Hade 11:34

Alagad dai ko hahaleon ki Solomon an bilog na kahadean. Mapadagos siya sa saiyang paghahade sagkod na siya buhay huli sa pinili kong sorogoon na si David, na nagkuyog kan sakong mga togon saka pagboot.

1 Mga Hade 11:38

Kun kukuyogon mo nanggad ako, mamumuhay sosog sa sakong katogonan, asin maggigibo kan matanos sa atubang ko huli sa pag-otob kan sakong mga togon saka mga pagboot siring kan ginibo kan sorogoon kong si David, danay takang iibahan. Gigibohon takang hade nin Israel asin gigibohon kong hade an saimong mga kapagarakian bilang kasalihid mo, siring kan ginibo ko para ki David.

1 Mga Hade 11:4

Kan gurang na si Solomon, dinagka siya kan saiyang mga agom na magsamba sa mga dios-dios. Dai siya nagin maimbod sa Kagurangnan na saiyang Dios, bakong arog kan saiyang ama na si David.

1 Mga Hade 11:6

Nagkasala siya tumang sa Kagurangnan asin dai siya nagsunod saiya, bakong arog kan saiyang ama na si David.

1 Mga Hade 14:23

Nagtugdok sinda nin mga altar para sa saindang mga dios-dios, asin nagpatindog nin mga harigi saka mga simbolo ni Asera sa ibabaw kan mga bulod saka sa limpoy nin mga kahoy.

1 Mga Hade 14:8

Kinua ko an kahadean sa kapagarakian ni David asin itinao saimo. Alagad dai ka nagin arog ki David na sakong sorogoon, na nagkuyog kan sakong mga kabotan asin nagsunod sako sa bilog niyang puso, na naggibo sana kan matanos sa sakong atubang.

1 Mga Hade 15:11

Ginibo ni Asa an matanos sa atubang nin Kagurangnan, siring kan ginibo ni David na saiyang ginikanan.

1 Mga Hade 15:14

Maski dai niya ginaba an gabos na altar na pagsasambahan, nagdanay siyang maimbod sa Kagurangnan sa bilog niyang buhay.

1 Mga Hade 15:3

An gabos na kasalan na ginibo kan saiyang ama ginibo man niya, asin dai siya nagin maimbod sa Kagurangnan na saiyang Dios, bakong arog kan saiyang ginikanan na si David.

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

1 Mga Hade 22:43

Arog kan saiyang ama na si Asa, ginibo ni Jehosafat an matanos sa atubang nin Kagurangnan; alagad dai niya ginaba an paganong mga lugar na pagsasambahan asin ipinadagos duman kan mga tawo an pagdolot nin mga sakripisyo saka an pagtutong nin insenso.

1 Mga Hade 22:44

Nakipagtoninong si Jehosafat sa hade nin Israel.

1 Mga Hade 3:14

Asin kun maglalakaw ka sa sakong dalan huli sa pagkuyog kan sakong mga togon saka pagboot siring kan ginibo kan saimong ama na si David, tatawan taka nin halawig na buhay.”

1 Mga Hade 3:6

Nagsimbag si Solomon, “Pinahilingan mo nin dakula asin danay na pagkamoot an sakong ama na si David na saimong sorogoon huli ta naglakaw siya na maimbod, matanos asin marahay sa atubangan mo. Ipinadagos mo an pagpahiling kan dakula asin danay na pagkamoot saiya kan tawan mo siya nin sarong aking lalaki tanganing magtukaw ngunyan sa saiyang trono.

1 Mga Hade 8:25

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

1 Mga Hade 8:61

Kamo, na saiyang banwaan, magdanay logod na maimbod sa Kagurangnan na satong Dios, magkuyog kan gabos niyang togon asin pagboot arog ngunyan na aldaw.”

1 Mga Hade 9:4

Kun paglilingkodan mo ako sa kaimbodan saka sa katanosan, siring kan ginibo kan saimong ama, dangan kun kukuyogon mo an sakong mga togon sagkod mga pagboot,

2 Mga Hade 12:3

Alagad dai niya rinaot an paganong mga lugar na pagsasambahan, kaya an mga tawo nagpadagos sa pag-atang asin sa pagtutong nin insenso duman.

2 Mga Hade 12:4

Ipinaapod ni Joas an mga padi asin sinabihan na tiponon an kwartang ibinabayad para sa mga sakripisyo sa Templo—an kwartang ibinabayad para sa regular na sakripisyo asin an itinatao bilang boluntad na regalo.

2 Mga Hade 14:3

Ginibo niya an matanos sa atubangan nin Kagurangnan, alagad bako siya arog sa saiyang ginikanan na si Hadeng David, huli ta inarog niya an ginibo kan saiyang ama na si Joas.

2 Mga Hade 14:4

Dai niya ginaba an paganong mga lugar na pagsasambahan, kaya nagpadagos an mga tawo sa pagdolot nin mga sakripisyo asin sa pagtutong nin insenso duman.

2 Mga Hade 15:35

Alagad dai niya ginaba an paganong mga lugar na pagsasambahan, kaya nagpadagos an mga tawo sa pagdolot nin mga sakripisyo asin sa pagtutong nin insenso duman. Ipinatugdok niya an Trangkahan sa Amihan kan Templo.

2 Mga Hade 15:4

Alagad dai niya ginaba an paganong mga lugar na pagsasambahan kaya nagpadagos an mga tawo sa pagdolot nin mga sakripisyo asin sa pagtutong nin insenso duman.

2 Mga Hade 18:22

Nagpadagos sa pagtaram an opisyal, “Tibaad sabihon nindo na minasarig kamo sa Kagurangnan na saindong Dios? Mga lugar na pagsasambahan saka mga altar nin Kagurangnan an rinumpag ni Ezekias kan sabihan niya an Juda asin Jerusalem na magsamba sana sa altar sa Jerusalem.

2 Mga Hade 18:4

Ginaba niya an paganong mga lugar na pagsasambahan, rinonot an mga gapong harigi asin pinalod an mga ladawan kan diosang si Asera. Rinonot man niya an bronseng halas na ginibo ni Moises, huli ta sagkod kan panahon na idto nagtututong pa nin insenso an mga Israelita sa pag-omaw sa bronseng halas; ini inapod na Nehustan.

2 Mga Cronica 15:17

Dai nahale ni Asa an gabos na paganong altar na pagsasambahan, alagad nagin maimbod siya sa Kagurangnan sa bilog niyang pagkabuhay.

Salmo 145:20

Sinusurog nin Kagurangnan an gabos na namomoot saiya; alagad gagadanon niya an gabos na tampalasan.

Salmo 31:23

Kamong mga banal, kamotan nindo an Kagurangnan! An mga maimbod saiyang inaataman, alagad pinapadusahan an mapaabaw-abaw.

Levitico 17:5

An katuyohan kaini iyo, na kaipuhan darahon kan mga Israelita sa Kagurangnan an mga hayop na dati nindang binubuno sa kaawagan. An mga iyan dadarahon ninda sa padi duman sa may pintoan kan Tabernakulo asin duman ninda bubunoon bilang dolot para sa katoninongan.

Mateo 22:37

Nagsimbag si Jesus, “‘Kamotan mo an Kagurangnan mong Dios sa bilog mong puso, sa bilog mong kalag, asin sa bilog mong isip.’

Juan 14:15

“Kun namomotan nindo ako, kukuyogon nindo an sakong mga togon.

Juan 14:21

“An mag-ako kan sakong mga togon asin magkuyog kaiyan, namomoot sako. An namomoot sako mamomotan kan sakong Ama; mamomotan ko man siya asin mapamidbid ako saiya.”

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

1 Corinto 8:3

Alagad an tawong namomoot sa Dios midbid nin Dios.

Deuteronomio 10:12

“Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 10:13

patin kuyogon nindo an saiyang mga togon saka mga pagboot. Itinatao ko ini saindo ngunyan para sa ikakarahay nindo.

Deuteronomio 11:13

“Kaya kuyogon nanggad nindo an gabos na togon na itinao ko saindo ngunyan; kamotan nindo an Kagurangnan na saindong Dios asin paglingkodan nindo siya sa bilog nindong puso.

Deuteronomio 30:16

Kun kuyogon nindo an mga togon nin Kagurangnan na saindong Dios, na itinatao ko saindo ngunyan na aldaw, kun kamotan nindo siya, kuyogon siya, asin otobon an gabos niyang togon, dangan mag-uuswag kamo asin magigin sarong dakulang nasyon. Bebendisyonan niya kamo sa daga na saindong lalaogon asin sasadirihon.

Deuteronomio 30:20

Kamotan nindo an Kagurangnan na saindong Dios, kuyogon siya, asin magmaimbod saiya, tanganing maghalawig an saindong buhay sagkod an buhay kan saindong mga kapagarakian duman sa daga na ipinanuga nin Kagurangnan na itatao sa saindong mga ginikanan na si Abraham, si Isaac asin si Jacob.”

Deuteronomio 30:6

Babagohon nin Kagurangnan an saindong puso asin an puso kan saindong mga kapagarakian tanganing mamotan nindo siya sa bilog nindong puso, tanganing padagos kamong mabuhay.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.

1 Samuel 9:12

Nagsimbag an mga babae, “Yaon siya. An totoo, nasa enotan sana nindo siya asin kun maghidali kamo, maaabotan pa nindo. Pakalaog nindo sa banwa, makukua na nindo siya. Minaabot pa sana siya huli ta madolot an mga tawo nin atang sa altar sa itaas kan bulod. Dai makakan an mga tawong inalok sagkod na dai pa siya nag-abot duman, huli ta kaipuhan bendisyonan ngona niya an atang. Kun magduman na kamo ngunyan, maaabotan nindo siya bago siya magtukad sa bulod tanganing magkakan.”