1 Mga Hade 3:28 - Marahay na Bareta Biblia

²⁸ Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Hade 3:28 ပူးပေါင်းရင်းမြစ်များ

1 Mga Hade 10:9

Pag-omawon an Kagurangnan na saimong Dios, na nawiwili saimo asin nagpapatukaw saimo sa trono nin Israel! Huli ta namomoot sa Israel sagkod lamang an Kagurangnan, ginibo ka niyang hade tanganing papagdanayon mo an hustisya saka an katanosan.”

1 Mga Hade 3:27

Dangan nagsabi si Solomon, “Dai paggadanon an aki! Tawan sa enot na babae; siya an tunay na ina!”

1 Mga Hade 4:1

Si Solomon iyo an hade kan bilog na Israel

1 Mga Cronica 29:24

An gabos na lider asin mga soldados patin an iba pang mga aking lalaki ni David nanuga na magigin maimbod ki Hadeng Solomon.

Esdras 7:25

“Ika, Esdras, sosog sa kadonongan na itinao saimo nin saimong Dios, an mabugtak nin mga administrador saka mga hukom na mamamahala kan gabos na tawo sa Solnopan kan Salog nin Eufrates. Sinda gabos kaipuhan na tukdoan mo kan Katogonan nin saimong Dios.

Salmo 72:2

Hukoman niya logod sa katanosan an saimong banwaan, asin sa hustisya an saimong mga dukha!

Salmo 72:4

Surogon logod niya an mga dukha kan banwaan, iligtas an daing sukat asin ronoton an nang-aapi.

Exodo 14:31

Nagkaigwa nin pagkatakot sa Kagurangnan an mga Israelita kan mahiling ninda an saiyang dakulang kapangyarihan kan daogon niya an mga Egipcio. Nagkaigwa sinda nin pagtubod sa Kagurangnan sagkod ki Moises na saiyang sorogoon.

Mga Talinhaga 16:10

Igwa nin banal na awtoridad an hade kun siya minataram; an saiyang mga hatol gabos tama.

Mga Talinhaga 24:21

Aki ko, matakot ka sa Kagurangnan saka omawon mo an hade. Dai ka mag-ayon sa mga tawong nagtutumang sainda;

Mga Talinhaga 25:2

An kamurawayan nin Dios yaon sa pagtago nin mga bagay, alagad an kamurawayan nin mga hade yaon sa pagsiyasat kaiyan.

Mga Talinhaga 8:15

Tinatabangan ko an mga hade sa saindang mga palakaw asin an mga pamayo sa paggibo nin tamang mga pagboot.

Parahulit 7:19

An kadonongan nagtatao nin kosog sa sarong tawo orog pa ki sa magigibo nin sampolong pamayo para sa sarong syudad.

Isaias 28:6

Siya an matao kan espiritu nin hustisya sa mga naglilingkod bilang mga hukom, asin kan kosog nin boot sa mga nagbabantay kan syudad sa anoman na pagsalakay.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Daniel 5:11

Igwa nin sarong lalaki sa saimong kahadean na igwa kan espiritu kan banal na mga dios. Kan an saimong ama iyo pa an hade, ipinahiling kan lalaking ini an marahay na kaisipan, pakaaram asin kadonongan arog kan kadonongan kan mga dios. Ginibo siyang pamayo kan mga parahula, salamangkero, madonong saka mga astrologo ni Hadeng Nebukadnezzar, na saimong ama.

1 Corinto 1:24

Alagad para sa mga inapod nin Dios, Judio man o Griyego, si Cristo iyo an kapangyarihan asin an kadonongan nin Dios.

1 Corinto 1:30

Alagad isinaro kamo nin Dios ki Cristo Jesus; ginibo man niya na si Cristo iyo an magin kadonongan ta. Sa paagi ni Cristo Jesus, kita nagin matanos sa Dios; pinangagin banal kita asin talingkas.

Colosas 2:2

Ginigibo ko ini tanganing kumosog an saindang boot saka mabugkos sinda sa pagkamoot. Sa siring na paagi magkakaigwa sinda kan bilog na kayamanan nin pakasabot saka pakaaram ki Cristo na iyo an misteryo nin Dios.

Colosas 2:3

Sa saiya nakatago an gabos na kayamanan nin kadonongan saka pakasabot nin Dios.

Josue 4:14

Huli sa ginibo nin Kagurangnan kan aldaw na idto, minidbid kan mga tawo si Josue bilang dakulang tawo. Iginalang siya ninda sa gabos na aldaw nin saiyang pagkabuhay siring na iginalang ninda si Moises.

1 Samuel 12:18

Kaya namibi si Samuel, asin kan aldaw na idto nagpadara an Kagurangnan nin daguldol saka uran. Dangan nagkatarakot an mga tawo sa Kagurangnan saka ki Samuel.