1 Mga Hade 3:14 - Marahay na Bareta Biblia

¹⁴ Asin kun maglalakaw ka sa sakong dalan huli sa pagkuyog kan sakong mga togon saka pagboot siring kan ginibo kan saimong ama na si David, tatawan taka nin halawig na buhay.”

1 Mga Hade 3:14 ပူးပေါင်းရင်းမြစ်များ

1 Mga Hade 11:34

Alagad dai ko hahaleon ki Solomon an bilog na kahadean. Mapadagos siya sa saiyang paghahade sagkod na siya buhay huli sa pinili kong sorogoon na si David, na nagkuyog kan sakong mga togon saka pagboot.

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

1 Mga Hade 3:6

Nagsimbag si Solomon, “Pinahilingan mo nin dakula asin danay na pagkamoot an sakong ama na si David na saimong sorogoon huli ta naglakaw siya na maimbod, matanos asin marahay sa atubangan mo. Ipinadagos mo an pagpahiling kan dakula asin danay na pagkamoot saiya kan tawan mo siya nin sarong aking lalaki tanganing magtukaw ngunyan sa saiyang trono.

1 Mga Cronica 28:7

Papadanayon ko an saiyang kahadean kun padagos siyang magkuyog kan sakong mga togon saka mga pagboot arog kan ginigibo niya ngunyan.’

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 29:2

Ginibo niya an matanos sa atubang nin Kagurangnan, arog kan ginibo ni David na saiyang ginikanan.

2 Mga Cronica 34:2

Ginibo niya an matanos sa atubangan nin Kagurangnan asin sinunod niya an paarog kan saiyang ginikanan na si David; maimbod na kinuyog niya an mga togon nin Dios.

Salmo 132:12

Kun otobon kan mga aki mo an sakuyang tipan, asin an mga pagboot na itatao ko sainda, an saindang mga aki matukaw man sa saimong trono sagkod pa man.”

Salmo 21:4

Naghagad siya nin buhay, ini itinao mo; halawig na buhay asin daing kataposan.

Salmo 21:5

Dakula an saiyang kamurawayan huli kan saimong tabang; tinawan mo siya nin kabantogan saka kapangyarihan.

Salmo 91:16

Babalosan ko siya nin halawig na buhay, asin ipapahiling ko saiya an sakong kaligtasan.”

Mga Talinhaga 3:16

Idinodolot nin kadonongan an halawig na buhay, na may kaibang kayamanan asin kaomawan.

Mga Talinhaga 3:2

An katukdoan ko matao saimo nin halawig na buhay asin mauswag na pamumuhay.

Zacarias 3:7

an Kagurangnan nin mga hukbo nagtaram: “Kun kukuyogon mo an sakong mga togon dangan susunodon an mga katongdan na itinao ko saimo, magpapadagos ka bilang parapamahala kan sakong Templo saka mga patyo kaiyan. Dadangogon ko an saimong mga pamibi, siring na dinadangog ko an mga pamibi kan mga anghel na nasa atubangan ko.

Mga Gibo 13:22

Pakahalea ki Saulo, ginibo nin Dios si David na magin hade ninda. Ini an sinabi nin Dios dapit saiya, ‘Nahiling ko ki David na aki ni Jesse an lalaking oyon sa puso ko. Siya an tawong maotob kan gabos kong kabotan.’

Deuteronomio 25:15

Maggamit kamo nin tama asin mayong daya na mga timbangan saka takadan, tanganing maghalawig an saindong buhay duman sa daga na itatao saindo nin Kagurangnan na saindong Dios.

Deuteronomio 5:16

“‘Galangan nindo an saindong ama asin ina, siring na ako, an Kagurangnan na saindong Dios, an nagboboot sa saindo, tanganing maghalawig an saindong buhay asin mapakarahay kamo duman sa daga na itinatao ko saindo.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

1 Timoteo 4:8

Huli ta kun igwa nin halaga an pagpakosog sa hawak, may halaga an pagpakosog sa kabanalan, huli ta ini may panuga para sa buhay ngunyan asin para sa buhay na madatong.