1 Mga Hade 3:11 - Marahay na Bareta Biblia

¹¹ kaya nagsabi an Dios saiya, “Huli ta naghagad ka nin kadonongan tanganing maghade nin matanos, embes na halawig na buhay, o kayamanan, o kagadanan kan saimong mga kaiwal,

1 Mga Hade 3:11 ပူးပေါင်းရင်းမြစ်များ

1 Mga Hade 3:10

Naogma an Kagurangnan sa hinagad na ini ni Solomon,

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Hade 3:9

Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

2 Mga Cronica 1:11

Nagsimbag an Dios ki Solomon, “Tama an pinili mo. Embes na maghagad ka nin pagsadiri, kayamanan, kaomawan, o an buhay kan saimong mga kaiwal, o an halawig na buhay para saimo, hinagad mo an kadonongan asin pakaaram tanganing paghadean mo an sakong banwaan, na binoot kong paghadean mo.

Salmo 4:6

Dakul an nagsasabi, “Makahiling logod kami nin mga karahayan! Hilinga kami na may pagkaherak, O Kagurangnan!”

Mga Talinhaga 16:31

An halawig na buhay iyo an balos sa matanos; an mga puting buhok korona nin kamurawayan.

Jeremias 45:5

Naghahanap ka nin darakulang bagay para sa saimong sadiri? Dai mo paggibohon iyan. Mapadara ako nin kasakitan sa gabos na tawo, alagad ililigtas ko an saimong buhay, bilang regalo nin ralaban, saen ka man magduman. Ako, an Kagurangnan, an nagtaram.”

Roma 8:26

Siring man tinatabangan kita kan Espiritu sa satong mga kaluyahan. Dai kita tataong mamibi siring sa maninigo, alagad an Espiritu na mismo an nakikimaherak sa Dios para sato, sa mga inagrangay na dai ta ikakapahayag sa mga tataramon.