1 Mga Hade 22:6 - Marahay na Bareta Biblia

⁶ Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

1 Mga Hade 22:6 ပူးပေါင်းရင်းမြစ်များ

1 Mga Hade 12:9

“Ano an dapat kong isimbag sa mga tawong ini na nagsabi sako na pagianon ko an pasan na ibinugtak sainda kan sakong ama?” an hapot niya. “Ano an sasabihon ko sa mga tawong nakikimaherak sako na inaan ko an gabat kan saindang pasan?”

1 Mga Hade 18:19

Ngunyan pagbotan mo an bilog na Israel na tagboon ako sa Bukid nin Carmelo. Padumanon mo man an kwatro syentos singkwentang propeta ni Baal, saka an kwatro syentos na propeta kan diosang si Asera na pinapakakan ni Jezebel.”

1 Mga Hade 18:20

Kaya an bilog na Israel asin an mga propeta ni Baal tinipon ni Ahab sa Bukid nin Carmelo.

1 Mga Hade 22:10

An duwang hade, na nakagubing nin sa hade, yaon kaidto sa lugar na pinaggiginikan sa luwas kan trangkahan nin Samaria. Nakatukaw sinda sa saindang trono asin nagpopropesiya sa atubang ninda an gabos na propeta.

1 Mga Hade 22:15

Kan mag-atubang si Micaias ki Hadeng Ahab, hinapot siya kan hade, “Micaias, dapat daw na salakayon mi ni Hadeng Jehosafat an Ramot-gilead o dai?” Nagsimbag si Micaias, “Salakayon nindo asin manggagana kamo. Itatao saindo nin Kagurangnan an kapangganahan.”

1 Mga Hade 22:5

Alagad hapoton ta ngona an Kagurangnan.”

2 Mga Hade 10:19

Apodon nindo an gabos na propeta ni Baal, an mga nagsasamba saiya asin an mga padi. Kaipuhan yaon an gabos huli ta magibo ako nin dakulang pagdolot ki Baal. An siisay man na mayo sa okasyon na iyan gagadanon.” (Alagad paglansi sana ini ni Jehu huli ta an katuyohan niya iyo na gadanon an gabos na nagsasamba ki Baal.)

2 Mga Hade 3:13

Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

2 Mga Cronica 18:14

Kan mag-atubang si Micaias ki Hadeng Ahab, hinapot siya kan hade, “Micaias, dapat daw na salakayon mi ni Hadeng Jehosafat an Ramot-gilead o dai?” Nagsimbag si Micaias, “Salakayon nindo asin manggagana kamo. Itatao saindo nin Kagurangnan an kapangganahan.”

Isaias 36:10

Naghohona siya na nagsasalakay ako tanganing gabaon an saiyang banwaan na mayo nin tabang hale sa Kagurangnan? An Kagurangnan mismo an nagtaram sako na salakayon an Jerusalem asin rumpagon.”

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Ezekiel 13:22

“Huli kan saindong kaputikan, pinapaluya nindo an boot kan mga matanos na tawo na habo ko man na kulogan. Inoolang nindo an mga maraot na tawo sa pag-ontok kan maraot nindang gibo asin ikaligtas an saindang buhay.

Mateo 7:15

“Mag-ingat kamo sa mga bakong tunay na propeta; garo sinda mga karnero kun minadolok saindo, alagad sa katunayan mga mabangis na lobo sinda.

2 Timoteo 4:3

Maabot an panahon na dai na magdadangog an mga tawo kan totoong katukdoan, kundi magsusunod kan sadiri nindang kamawotan. Matipon sinda nin dakul na tawong magtutukdo sainda kan boot sana nindang madangog.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.