1 Mga Hade 22:48 - Marahay na Bareta Biblia

⁴⁸ Nagpagibo si Hadeng Jehosafat nin mga barko sa Tarsis tanganing maglayag pasiring sa daga nin Ofir sa pagkua nin mga bulawan. Alagad dai nakahale an mga barko huli ta nagkararaot an mga ini duman sa Ezion-geber.

1 Mga Hade 22:48 ပူးပေါင်းရင်းမြစ်များ

Genesis 27:37

Nagsimbag si Isaac, “Ginibo ko na siyang kagurangnan mo, asin an gabos niyang kadugo itinao ko na sa saiya bilang mga oripon. Tinawan ko siya nin dakul na ani asin arak. Mayo na akong magiginibo para saimo, aki ko!”

2 Samuel 8:14

Nagpatindog siya nin mga kampo nin mga soldados sa Edom, asin nagin sorogoon niya an mga tawo duman. Pinapanggana nin Kagurangnan si David saen man siya magduman.

1 Mga Hade 10:22

An hade igwa nin mga barko na naglalayag sa dagat kaiba an mga barko ni Hiram. Makasaro sa lambang tolong taon minaabot an saiyang mga barko na may mga darang bulawan, plata, marpil, mga kabalang asin mga pabo.

1 Mga Hade 22:49

Dangan sinabihan ni Hadeng Ahazias nin Israel si Hadeng Jehosafat, “Tugoteng maglayag an sakong mga tawohan kaiba kan saimong mga tawohan.” Alagad dai nagtugot si Jehosafat.

1 Mga Hade 9:26

Nagpagibo man si Solomon nin dakul na barko duman sa Ezion-geber, na harani sa Elat na nasa baybayon kan Dagat na Pula, sa daga nin Edom.

1 Mga Hade 9:28

Nagduruman sinda sa daga nin Ofir, dangan nagbaralik na igwa nin darang sobra sa katorse mil kilos na bulawan; dinara ninda ini ki Solomon.

2 Mga Hade 3:9

Kaya nagluwas si Hadeng Joram kaiba an hade nin Juda saka an hade nin Edom. Pakalihis nin pitong aldaw na pagmartsa, naubosan sinda nin tubig; mayo na nin inomon an hukbo asin an mga hayop.

2 Mga Hade 8:20

Sa panahon na ini kan paghahade ni Jehoram, nagrebelde an Edom laban sa Juda asin nagbugtak man nin sadiri nindang hade.

2 Mga Cronica 20:21

Pakatapos niyang makihumapot sa mga tawo, pinagbotan niya an mga maawit nin pag-omaw sa Kagurangnan na magsulot kan gubing na pangpyesta, dangan pangenotan an hukbo mantang nag-aawit nin siring: “Omawon an Kagurangnan, huli ta an saiyang pagkamoot nagdadanay sagkod pa man.”

2 Mga Cronica 25:7

Alagad sarong propeta an nagdolok sa hade asin nagsabi, “Mahal na hade, dai mo ipag-iba an hukbo nin Israel, huli ta an Kagurangnan dai maiba sa mga lalaking ini na hale sa Kahadean sa Amihan.

2 Mga Cronica 9:21

huli ta an mga barko kan hade minaduman sa Tarsis kaiba kan mga sorogoon ni Hiram, dangan lambang ikatolong taon, minabalik hale sa Tarsis na may darang bulawan, plata, marpil, mga kabalang asin mga ukay.

Salmo 45:9

Mga aking daraga nin mga hade kabilang sa mga ginagalangan na babae sa saimong palasyo; nakatindog sa too mo an reyna, pinakamarahay na bulawan an sulot niya.

Salmo 48:7

siring sa mga sakayan nin Tarsis na rinoronot nin makosog na bagyo.

Isaias 2:16

laban sa gabos na barko nin Tarsis, asin laban sa gabos na magayon na sakayan.

Isaias 60:9

An mga sakayan na ini harale sa harayong mga daga; nakalunad diyan an banwaan nin Dios. May dara sindang plata saka bulawan tanganing omawon an ngaran nin Kagurangnan, an banal na Dios nin Israel, na nagpamuraway kan saiyang banwaan sa mata kan gabos na nasyon.

Jonas 1:3

Alagad embes na magduman si Jonas sa Nineve, nagduman siya sa ibong na direksyon tanganing makadulag sa Kagurangnan. Nagduman siya sa Jope, saen nakahiling siya nin sarong barko na mapasiring sa Espanya. Nagbayad siya kan pasahe, dangan nagsakay kaiba an mga tripulante sa pagpasiring sa Espanya, tanganing makadulag sa Kagurangnan.