1 Mga Hade 22:43 - Marahay na Bareta Biblia

⁴³ Arog kan saiyang ama na si Asa, ginibo ni Jehosafat an matanos sa atubang nin Kagurangnan; alagad dai niya ginaba an paganong mga lugar na pagsasambahan asin ipinadagos duman kan mga tawo an pagdolot nin mga sakripisyo saka an pagtutong nin insenso.

1 Mga Hade 22:43 ပူးပေါင်းရင်းမြစ်များ

1 Mga Hade 14:23

Nagtugdok sinda nin mga altar para sa saindang mga dios-dios, asin nagpatindog nin mga harigi saka mga simbolo ni Asera sa ibabaw kan mga bulod saka sa limpoy nin mga kahoy.

1 Mga Hade 15:11

Ginibo ni Asa an matanos sa atubang nin Kagurangnan, siring kan ginibo ni David na saiyang ginikanan.

1 Mga Hade 15:14

Maski dai niya ginaba an gabos na altar na pagsasambahan, nagdanay siyang maimbod sa Kagurangnan sa bilog niyang buhay.

1 Mga Hade 15:5

Ginibo ini nin Kagurangnan huli ta ginibo ni David an nakawili saiya asin dai nanggad si David naglapas kan arin man kan mga kabotan niya, pwera kan manongod sa kaso ni Urias na Heteo.

1 Mga Hade 22:42

sa edad na treynta y singkong taon, asin naghade siya sa Jerusalem sa laog nin beynte y singkong taon. An saiyang ina iyo si Azuba na aki ni Silhi.

1 Mga Hade 3:2

Mayo pa nin itinugdok na templo para sa Kagurangnan, kaya an mga tawo nagdodolot nin mga sakripisyo sa manlaen-laen na altar.

2 Mga Hade 12:3

Alagad dai niya rinaot an paganong mga lugar na pagsasambahan, kaya an mga tawo nagpadagos sa pag-atang asin sa pagtutong nin insenso duman.

2 Mga Hade 18:22

Nagpadagos sa pagtaram an opisyal, “Tibaad sabihon nindo na minasarig kamo sa Kagurangnan na saindong Dios? Mga lugar na pagsasambahan saka mga altar nin Kagurangnan an rinumpag ni Ezekias kan sabihan niya an Juda asin Jerusalem na magsamba sana sa altar sa Jerusalem.

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

2 Mga Cronica 15:17

Dai nahale ni Asa an gabos na paganong altar na pagsasambahan, alagad nagin maimbod siya sa Kagurangnan sa bilog niyang pagkabuhay.

2 Mga Cronica 15:8

Kuminosog an boot ni Asa kan madangog niya an propesiya na sinambit ni Azarias na aking lalaki ni Oded. An makauuyam na mga dios-dios hinale niya sa bilog na daga nin Juda saka Benjamin asin sa mga syudad na sinakop niya sa mabulod na daga nin Efraim. Hinirahay man niya an altar nin Kagurangnan na nasa patyo kan Templo.

Salmo 101:3

asin dai ko tutugotan an anoman na maraot. Naoongis ako sa gibo kan mga nagtalikod sa Dios; dai iyan makakaharani sako.

Salmo 125:5

Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!

Salmo 40:4

Paladan an tawo na nagsasarig sa Kagurangnan, na dai minaapil sa mapaabaw-abaw, sa mga nagsasamba sa mga dios-dios.

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Mga Talinhaga 13:1

An madonong na aki naghihinanyog kun sinasagwe siya kan saiyang ama, alagad an mapaabaw-abaw dai minaako na siya nasasala.

Mga Talinhaga 4:27

Likayan mo an karatan asin magpadagos ka sa matanos na paglakaw. Dai ka magliko sa wala o sa too.