1 Mga Hade 22:36 - Marahay na Bareta Biblia

³⁶ Kan masolnop na an aldaw uminabot an pagboot sa mga soldados nin Israel: “An lambang saro bumalik na sa sadiri niyang banwaan asin syudad!”

1 Mga Hade 22:36 ပူးပေါင်းရင်းမြစ်များ

2 Samuel 19:8

Dangan nagbuhat an hade, asin nagtukaw sa saiyang tukawan sa may trangkahan kan syudad. Nabaretaan kan saiyang mga tawohan na yaon siya duman, kaya nagtiripon sinda sa palibot kan hade. Mantang nangyayari ini, nagdurulag an gabos na Israelita, an lambang saro pasiring sa saiyang harong.

1 Mga Hade 12:16

Kan mahiling kan mga tawo na habong maghinanyog sainda an hade, nagkurahaw sinda, “Ano an samong kahirasan ki David? Dai kami nin pamana sa aking lalaki ni Jesse. Bumalik kamo sa saindong mga tolda, O Israel! Atamana ngunyan an sadiri mong harong, O David.” Kaya nagbaralik sa saindang mga tolda an mga Israelita.

1 Mga Hade 12:24

“Dai nindo pagsalakayon an sadiri nindong kadugo, an banwaan nin Israel. Magbaralik kamo sa saindong harong huli ta kabotan ko an nangyayari.” Nagkuyog sinda gabos sa pagboot nin Kagurangnan; nagpuli sinda sa saindang mga erokan.

1 Mga Hade 22:17

Nagsimbag si Micaias, “Nahiling ko an bilog na Israel na nawarak sa kabukidan, arog sa mga karnero na mayo nin pastor, asin nagtaram an Kagurangnan, ‘Mayo sinda nin pamayo, papulia sinda sa katoninongan.’”

1 Mga Hade 22:31

Igwa kaidto nin pagboot an hade nin Siria sa saiyang treynta y dos na kapitan kan mga karwahe na mayo sindang ibang salakayon kundi an hade nin Israel sana.

1 Mga Hade 22:35

Mantang nagpapadagos an ralaban, nagdanay si Ahab na nakahurandig sa saiyang karwahe; nakaatubang siya sa mga taga Siria. An dugo kan saiyang lugad nagparadalihig sa salog kan karwahe, sagkod na magadan siya pagkabanggi.

1 Mga Hade 22:37

Kaya nagadan si Hadeng Ahab. Dinara sa Samaria an saiyang bangkay saka ilinubong.

2 Mga Hade 14:12

Nadaog an hukbo nin Juda asin nagdurulag an saiyang mga soldados pasiring sa saindang harong.

Hukom 21:24

Kan panahon man na idto, nagharale an iba pang mga Israelita tanganing magpuli sa sadiri nindang tribu asin pamilya patin mga pagsadiri.

1 Samuel 4:10

Kaya nakilaban an mga Filisteo asin nadaog ninda an mga Israelita. Nagdurulag an mga Israelita pasiring sa saindang mga harong. Dakul an nagkagaradan: treynta mil na mga soldados an nagadan sa Israel.